Sport

Gikiewicz justifikon gjestet pas penalltisë: “Jam ofenduar gjatë gjithë pjesës së dytë”

Portieri polak ishte heroi në fitoren e Augsburgut në Bremen, me penalltinë e pritur prej tij. Më pas ai provokoi publikun.

10 Shtator 2022, 11:05 Nga DOSJA

Gikiewicz justifikon gjestet pas penalltisë: “Jam ofenduar gjatë

GJERMANI - Në fund të ndeshjes, FC Augsburg pa se fitorja po i shkatërrohej nga duart. Ermedin Derimovic i kishte dhënë epërsinë në një lojë të vështirë në Bremen, të cilën skuadra e Fuggerstadt e mbrojti me pasion pothuajse nga çdo sulm i Werderit deri në minutën e 90-të. Më pas, një vendim i dyshimtë dhe penalltia nga gjyqtari Martin Petersen, shkaktoi disa skena kaotike.

Maximilian Bauer e preku topin në zonën e rreptësisë pas 91 minutash dhe arbitri Petersen vuri në dukje pikën e bardhë të penalties. Ai nuk u pengua nga protestat masive të Augsburgut dhe i qëndroi vendimit të tij, duke përajshtuar edhe VAR-in.

Megjithatë, në fund të fundit, kjo nuk pati pasoja për FCA-në, sepse Rafal Gikiewicz priti penalltinë e Marvin Ducksch dhe kështu siguroi fitoren për Augsburg, tre të parat pas tri humbjeve radhazi. Megjithatë, para dhe pas penalltisë, humori ishte i ndezur, me gjyqtarin Petersen që nxorri pesë kartonë të verdhë në minutat e fundit. 

Portieri Gikiewicz, i cili provokoi tifozët e Bremenit me gjeste të vazhdueshme pas pritjes së tij, ishte një prej të ndëshkuarve. Disa tifozë të Werder u hodhën në brendësi të fushës dhe ndeshja u ndërpre për një kohë të shkurtër. "Ky është futbolli. Unë jam fyer pothuajse gjatë gjithë pjesës së dytë, kjo ishte përgjigja ime. Nuk mund të pranoj që të ofendohet familja ime,"- e justifikoi Gikiewicz veprimin e tij në mikrofonin e ‘DAZN’. 

B.T (Dosja.al)

Sondazh

Poll

MË SHUMË