Sport

Gabriel Jesus ‘mungon’ në kombëtaren e Brazilit përpara Kupës së Botës…

Në miqësoret kundër Ganës dhe Tunizisë në fund të shtatorit, ‘selecao’ do të prezantohet me Neymar, por pa Gabriel Jesus dhe Coutinho, që nuk janë thirrur nga trajneri Tite.

10 Shtator 2022, 08:34 Nga DOSJA
Gabriel Jesus ‘mungon’ në kombëtaren e Brazilit
Gabriel Jesus, gjashtë gola në gjashtë ndeshje për Arsenalin në Premier League

BRAZIL - Neymar u thirr të premten për të luajtur dy miqësoret e fundit të Brazilit të planifikuara në Francë, para Kupës së Botës, ndryshe nga Gabriel Jesus dhe Coutinho, që nuk janë thirrur nga trajneri i Brazilit, Tite. ‘Seleçao’ po përgatitet për të luajtur dy ndeshje miqësore, kundër Ganës më 23 shtator në Le Havre dhe kundër Tunizisë, më 27 shtator në Paris.

Për këto raste, Tite ka zgjedhur të thërrasë dy lojtarët e PSG-së, Neymar (74 gola në 119 ndeshje) dhe Marquinhos (4 gola në 69 ndeshje), por edhe Lucas Paquetà (7 gola në 32 ndeshje), i transferuar në West Ham këtë verë, në një listë prej 26 lojtarësh ku përfshihen edhe Vinicius Jr, Antony dhe Casemiro.

Trajneri brazilian megjithatë ka vendosur të bëjë pa Gabriel Jesus (56 ndeshje), i cili ka shkëlqyer që nga ardhja e tij në Arsenal, por edhe Philippe Coutinho (Aston Villa). Ja të 26 të përzgjedhurit e kombëtares së Brazilit nga trajneri Tite:

Portierë: Alisson (Liverpool, ENG), Ederson (Manchester City, ENG), Weverton (Palmeiras).
Mbrojtës: Danilo (Juventus, ITA), Alex Sandro (Juventus, ITA), Alex Telles (Seville, ESP), Marquinhos (PSG, FRA), Eder Militao (Real Madrid, ESP), Thiago Silva (Chelsea, ENG), Bremer (Juventus, ITA), Ibanez (Roma, ITA).
Mesfushorë: Casemiro (Manchester United, ENG), Bruno Guimaraes (Newcastle, ENG), Fred (Manchester United, ENG), Fabinho (Liverpool, ENG), Lucas Paquetá (West Ham, ENG), Everton Ribeiro (Flamengo).
Sulmues: Antony (Manchester United, ENG), Firmino (Liverpool, ENG), Matheus Cunha (Atlético de Madrid, ESP), Neymar (PSG, FRA), Pedro (Flamengo), Raphinha (Barcelona, ​​ESP), Richarlison ( Tottenham, ENG), Rodrygo (Real Madrid, ESP), Vinicius Jr (Real Madrid, ESP).

B.T (Dosja.al)

Sondazh

Poll

MË SHUMË