Bota

Lufta Ukrainë-Rusi/ Dita 193, Zelenskyy akuzon Rusinë për luftën energjitike, thirrja ndaj Europës

Vendet e G7 ranë dakord të vendosin një kufi mbi çmimin e naftës ruse. Rafael Grossi tha se në fillim të javës së ardhshme do të përgatisë një raport mbi sigurinë e termocentralit bërthamor ukrainas, i cili është nën kontrollin rus.

4 Shtator 2022, 09:27 Nga s.s

Zelensky

UKRAINË- Lufta në Ukrainë futet sot në ditën e 193.Vendet e G7 kanë rënë dakord të vendosin një kufi mbi çmimin e naftës ruse. “Gazprom” njoftoi se deri në një njoftim të dytë do të ndalojë Nord Stream 1 për shkak të një mosfunksionimi. Drejtori i Përgjithshëm i Agjencisë Ndërkombëtare të Energjisë Atomike (IAEA), Rafael Grossi, i cili u largua nga Zaporozhye, tha se në fillim të javës së ardhshme do të përgatisë një raport mbi sigurinë e termocentralit bërthamor ukrainas, i cili është nën kontrollin rus.

ZHVILLIMET E FUNDIT NGA LUFTA:

1- Ushtria ukrainase: Zmbrapsi disa sulme, forcat ruse vazhdojnë ofensivën- Shtabi i Përgjithshëm i Forcave të Armatosura të Ukrainës njoftoi se ushtria ukrainase zmbrapsi me sukses sulmet e trupave ruse në zonat e Bogorodichno, Pasika, Bakhmut, Pokrovsk, Peski dhe Pervomajsk, në rajonin e Donetskut, por se forcat ruse po vazhdojnë ofensivën e tyre. në drejtim të Bakhmut dhe Avdiyevka, raporton alo.rs.

2- Gjermania do japë 200 milionë euro për personat e zhvendosur në Ukrainë- Gjermania do t'i japë Ukrainës 200 milionë euro shtesë për të financuar programin e ndihmës për personat e zhvendosur brenda vendit për shkak të agresionit rus.

3- Zelensky: Rusia po bën një luftë energjetike- Presidenti ukrainas, Volodymyr Zelensky, akuzoi Rusinë për një luftë energjetike dhe i bëri thirrje Evropës të tregojë unitet më të madh.

4- Centrali vazhdon të furnizojë rrjetin me energji elektrike pavarësisht nga humbja e lidhjes me linjën e fundit të mbetur kryesore të energjisë elektrike, tha Agjencia Ndërkombëtare e Energjisë Atomike, thuhet në verifikimet e Reuters.

5- Rusia deklaroi se dështoi një përpjekje ukrainase për të rimarrë uzinën me goditje nga helikopterë ushtarakë dhe avionë luftarakë, duke shkatërruar 20 anije ukrainase.

6- Presidenti turk Tajip Erdogan i tha presidentit rus Vladimir Putin në një telefonatë se vendi i tij mund të luajë një rol lehtësues në lidhje me termocentralin.

7- Bashkimi Evropian pret që Rusia të respektojë kontratat ekzistuese të energjisë, por është i përgatitur të përballojë sfidën nëse nuk e bën këtë, tha Komisioneri Ekonomik Paolo Gentiloni.

rafael grossi lufta ukraine-rusi volodymyr zelensy gjermani