Aktualitet

Vrasja e Ismet Çekores në Shkodër, kamerat fiksojnë autorin, ishte me motor dhe me skafandër

Disa persona të cilët kanë qenë prezent në momentin e vrasjes së 57-vjeçarit në Shkodër Ismet Çekorja, janë shoqëruar në Komisariatin e Policisë së Shtetit. Mes tyre edhe Alban Bruçin dhe babain e tij.

3 Shtator 2022, 10:32 Nga k.m.
Vrasja e Ismet Çekores në Shkodër, kamerat fiksojnë
Ismet Çekorja

SHKODËR- Vazhdojnë hetimet për identifikimin e autorit të vrasjes së Ismet Çekorjes në lagjen Kiras të Shkodrës, mesditën e djeshme. Disa persona të cilët kanë qenë prezent në momentin e vrasjes së 57-vjeçarit në Shkodër Ismet Çekorja, janë shoqëruar në Komisariatin e Policisë së Shtetit. Mes tyre edhe Alban Bruçin dhe babain e tij.

Sipas burimeve, ka qenë një person i cili e ka thirrur 57-vjeçarin të dalë nga shtëpia dhe më pas e ka qëlluar duke e plagosur rëndë, për të ndërruar më pas jetë në spital. Ndërkohë që kamerat e sigurisë, të cilat janë sekuestruar nga Policia në bizneset e zonës kanë mundur që të fiksojnë autorin. Ai ishte me motor dhe me skafandër, duke e fshehur identitetin e tij.

Deri në këto momente nuk ka asnjë autor të dyshuar të këtij krimi dhe pista kryesore që po hetohet është konflikti i djalit të tij që është akuzuar si autor i atentatit Alban Bruçi.

Ismet Çekorja është babai i Bajrma Çekorjas, i cili është shpallur në kërkim pasi akuzohet se është një nga autorët që i bënë atentat Alban Bruçit mbrëmjen e 25 gushtit. Disa ditë para vrasjes, vetë viktima doli në një deklaratë për mediat mohoi përfshirjen e djalit të tij në plagosjen e Bruçit. Çakorja nënvizoi se këto janë sulme ndaj familjes së tij, që i bëjë disa banditë të veshur me pushtet. Alban Bruçi u qëllua me 19 plumba më 25 gusht në Shkodër, por arriti që të shpëtojë pa u plagosur. 25-vjeçari shkoi vetë në polici dhe bëri një kallëzim për këtë atentat për të cilin Policia ka shpallur në kërkim dhe Tonato Fushën.

vritet ismet cekorja ismet Çekorja

Sondazh

Poll

MË SHUMË