Sport

Vendimet e Komisionit të Disiplinës/ Logo e pavendosur, më e rëndë se sjellja e gabuar e tifozëve! Partizani dhe Teuta në shënjestër

Komisioni i Disiplinës ka publikuar ditën e sotme listën me masat administrative ndaj klubeve për javën e shkuar të kampionatit.

1 Shtator 2022, 19:22 Nga DOSJA

Vendimet e Komisionit të Disiplinës/ Logo e pavendosur, më e

SHQIPËRI- Komisioni i Disiplinës ka publikuar ditën e sotme listën me masat administrative ndaj klubeve për javën e shkuar të kampionatit. Partizani dhe Teuta janë gjobitur me 50 mijë lekë për shkak të mos vendosjes së stemës së Kategorisë Superiore në fanellë, sjellje kjo e përsëritur nga ana e klubeve.

Partizani e Teuta e kanë bërë të qartë se nuk kanë ndërmend ta vendosin logon e sponsorit të kampionatit në fanellën e tyre dhe Disiplina po ashtu e ka bërë të qartë se nuk heq dorë nga koleksionimi i të ardhurave.

VENDIMET E KOMISIONIT

KF Partizani, për mos respektim të Rregullores së Veprimtarisë Futbollistike, duke mos vendosur stemën e Kategorisë Superiore Abissnet, në mëngën e djathtë të fanellës së lojës, në bazë të neneve 63.1, 82.1 të Rregullores së Veprimtarisë Futbollistike dhe nenit 14 të KDS dënohet me gjobë në masën 50000 (pesëdhjetë mijë) lekë. Në bazë të nenit 12 të KDS, paralajmërohet se në rast të përsëritjes së sjelljes së gabuar të spektatorëve, do të jetë subjekt i masave disiplinore që parashikon Kodi i Disiplinës Sportive dhe Rregulloret e FSHF.

KF Teuta, për mos respektim të Rregullores së Veprimtarisë Futbollistike, duke mos vendosur stemën e Kategorisë Superiore Abissnet, në mëngën e djathtë të fanellës së lojës, në bazë të neneve 63.1, 82.1 të Rregullores së Veprimtarisë Futbollistike dhe nenit 14 të KDS dënohet me gjobë në masën 50000 (pesëdhjetë mijë) lekë.

KF Vllaznia, në bazë të nenit 12 të KDS, paralajmërohet se në rast të përsëritjes së sjelljes së gabuar të spektatorëve, do të jetë subjekt i masave disiplinore që parashikon Kodi i Disiplinës Sportive dhe Rregulloret e FSHF.

KF Egnatia, në bazë të nenit 12 të KDS, paralajmërohet se në rast të përsëritjes së sjelljes së gabuar të spektatorëve, do të jetë subjekt i masave disiplinore që parashikon Kodi i Disiplinës Sportive dhe Rregulloret e FSHF.

Rrëzimin e kërkesës së lojtarit të KF Tirana B U-19, Xhuliano Markoçi, si të pabazuar në Kodin e Disiplinës Sportive.

E.Ç (Dosja.al)

komisioni i disiplines

Sondazh

Poll

MË SHUMË