Aktualitet

Vrau vëllanë dhe kunatën, Muskurti i kishte borxh 170 milionë lekë

Mësohet se dy vëllezërit ishin në proces gjyqësor me njëri tjetrin për një shumë të konsiderueshme lekësh që lidheshin e pronësinë e agjensisë turistike. 

31 Gusht 2022, 17:13 Nga I.A
Vrau vëllanë dhe kunatën, Muskurti i kishte borxh 170
Arsen Muskurti, Dritan Muskurti dhe Nora Muskurti

TIRANË- Detaje të tjera janë zbuluar nga vrasja e djeshme, pranë rrugës së Kavajës në Tiranë, ku Arsen Muskurti qëlloi për vdekje Dritan Muskurtin dhe gruan e tij Nora Muskurtin. Mësohet se dy vëllezërit ishin në proces gjyqësor me njëri tjetrin për një shumë të konsiderueshme lekësh që lidheshin e pronësinë e agjensisë turistike. 

 Dritan Muskurti kërkonte nga vëllai i tij mbi 17 milionë lekë të rinj. Ky proces kishte nisur në janar të vitit të kaluar në Gjykatën e Tiranës, ndërsa seanca e radhës ishte caktuar në 27 shtator.

“Detyrimi i të paditurit t’i kthejë paditësit shumën prej 17.3 milionë lekë si dhe interes mbi këtë shumë nga data 01.10.2018 deri në ekzekutimin e detyrimit”, thuhej në objektin e padisë.

Çfarë ndodhi dje?

Arsen (Hamza) Muskurti vrau pasditen e djeshme vëllanë e tij, Dritan (Alban) Muskurti e bashkëshorten e këtij të fundit, Nora Muskurti. Krimi i dyfishtë në Tiranë e ka zanafillën tek një agjenci udhëtimesh. Në janar të këtij viti, me vendim gjykate, agjencia e udhëtimeve që dërgonte njerëz në vende të lindjes u kalua në emër të personit që mbeti i vrarë Dritan (Alban) Muskurti. Por, për Arsen (Hamza) Muskurtin, kjo gjë ishte e papranueshme. Dyshja konfliktoheshin çdo ditë, madje në Policinë e Tiranë ka dhe denoncime nga vëllezërit kundër njëri-tjetrit.

Arsen Muskurti shkoi në lokalin ku i vëllai po konsumonte diçka me të shoqen, Nora Muskurti. Pas debatit verbal, sherri kaloi në konfrontim fizik. Dy vëllezërit u ngritën nga lokali dhe shkuan në agjencinë për të cilën dhe ishin në konflikt. Pikërisht brenda atyre ambienteve, Arsen Muskurti vrau të vëllanë e gruan e tij. Ngjarja është filmuar nga kamerat e sigurisë së biznesit që monitorohej brenda dhe jashtë. Pas krimit, autori është larguar nga vendngjarja për tu arrestuar më vonë nga forcat RENEA.

arsen muskurti dritan muskurti nora muskurti vriten burre e grua ne tirane

Sondazh

Poll

MË SHUMË