Politike

Njofton sot shkarkimin e Gledis Nano? Edi Rama mbledh Qeverinë

Mëngjesin e sotëm, kryeministri Edi Rama ka mbledhur qeverinë, ku pritet të ketë një vendimmarrje për fatin e Drejtorit të Përgjithshëm të Policisë së Shtetit, Gledis Nano.

31 Gusht 2022, 09:33 Nga A.B
Njofton sot shkarkimin e Gledis Nano? Edi Rama mbledh Qeverinë
Edi Rama

TIRANË- Sot mund të komunikohet nga ministrat vendimi i shkarkimit nga detyra të Drejtorit të Policisë së Shtetit, Gledis Nano. Dosja.al raportoi e PARA lajmin e shkarkimit të Nanos dhe emrat e mundshëm që mund ta zëvendësojnë në detyrë.

Mëngjesin e sotëm, kryeministri Edi Rama ka mbledhur qeverinë, ku pritet të ketë një vendimmarrje për fatin e Drejtorit të Përgjithshëm të Policisë së Shtetit, Gledis Nano. Kjo mbledhje qeverie pritet të zgjasë deri në orën 10:00, ku do të njihemi edhe me vendimet që janë marrë, të cilat do të komunikohen nga ministrat.

“Dosja” është njoftuar që në fillim të muaj gusht se Nano ishte në ditët e fundit të detyrës së tij. Sipas burimit të Dosja, frika se opozita do të sulmojë kabinetin më fuqishëm sesa Nanon, ka bërë që edhe në këtë rast, të organizohej një cirk, ku drejtori i Policisë do të vetëlajmërojë një dorëheqje, por siç duket vetë kryepolici nuk është bindur ende.

Nano mblodhi mbrëmjen e të dielës vartësit e tij besnikë duke i falenderuar për bashkëpunimin. Në këtë takim, siç "Dosja" mësoi më pas, ishin të pranishëm disa nga drejtorët e policisë në qarqe por edhe disa nga shefat e Komisariateve të Tiranës. Nano nuk iu dha detaje në lidhje me largimin e tij nga detyra, por procesi tashmë pret vetëm zyrtarizimin…

Emri i ri është vendosur dhe dy të përfolurit kryesorë janë Met Rrumbullaku dhe Lorenc Panganika. Se cilin do të zgjedhë vetë kryeministri, këtë do ta mësojmë SOT.

edi rama gledis nano

Sondazh

Poll

MË SHUMË