Sport

'Fati i keq' i ndjek kuqezinjtë... Shqipëria mbetet pa mbrojtje në prag të Nations League, edhe Kumbulla lë fushën i dëmtuar

Në minutën e 26-të zëvendësohet nga Smalling. Kumbulla raportohet se ka pësuar një dëmtim në pjesën e pasme të kofshës së majtë

31 Gusht 2022, 07:50 Nga DOSJA

'Fati i keq' i ndjek kuqezinjtë... Shqipëria mbetet pa

ITALI - Fati duket sikur po punon kundër kuqezinjve tanë dhe trajnerit Edi Reja në këtë fillim sezoni. Mbrojtja e Kombëtares shqiptare përfundon në infermieri, në momentin kur edhe pak javë na ndajnë nga dy ndeshjet e fundit të Nations League, me Izraelin dhe Islandën. Pas Gjimshitit dhe Dermakut, të njëjtin fat me ta e ka pësuar edhe Marash Kumbulla.

Mbrojtësi shqiptar i përdorur si titullar nga Jose Murinho mbrëmjen e djeshme kundër Monzës, por u detyrua të linte fushën e lojës që në minutën e 26-të dhe të zëvendësohej nga Smalling. Kumbulla raportohet se ka pësuar një dëmtim në pjesën e pasme të kofshës së majtë. Pas ekzaminimeve të sotme do të mësohet saktësisht edhe shkalla e dëmtimit të mbrojtësit shqiptar.

B.T (Dosja.al)

Sondazh

Poll