Bota

Papa Françesku për vrasjen e Darua Dugina: Çmenduria e luftës, reagon Ambasadori ukrainas: Fjalimi i tij zhgënjyes

Papa Françesku ka reaguar për vrasjen e vajzës ruse Darua Dugina duke e cilësuar si 'çmenduria e luftës'. Ndërsa ambasadori ukrainas është shprehur se fjalimi i Papës ishte shumë zhgënjyese.

26 Gusht 2022, 10:43 Nga s.s

Papa Françesku

VATIKAN- Duke shënuar përvjetorin e gjashtë mujorit të fillimit të luftës së Rusisë kundër Ukrainës, Papa Françesku përsëriti thirrjen e tij për lutje për t'i dhënë fund "tmerrit të luftës". Duke u lutur për të gjithë ata që mbahen të burgosur, për të vdekurit, për jetimët dhe refugjatët, Papa bëri thirrje gjithashtu që të ndërmerren "hapa konkretë" për t'i dhënë fund luftës dhe për të shmangur rrezikun e një fatkeqësie bërthamore në Zaporizhzhia, një qytet në juglindje, ku gjithashtu ka folur edhe për Darua Dugina.

"Çmenduria e luftës! Mendoj për atë vajzën e gjorë të hedhur në erë nga një bombë nën sediljen e makinës së saj në Moskë. Të pafajshmit paguajnë për luftën, të pafajshmit! Le të mendojmë për këtë realitet dhe t'i themi njëri-tjetrit: lufta është çmenduri”, tha Papa, raporton republicworld.com.

Ambasadori ukrainas në qytetin e Vatikanit kritikoi Papa Françeskun për deklaratën e tij ku ai e përshkroi propaganduesin e vdekur rus Darya Dugina si një "viktimë të pafajshme të luftës". Dugina, vajza e një ideologu pro-Kremlinit Alexander Dugin, i njohur zakonisht si "truri i Putinit", u vra në një shpërthim makine më 20 gusht. Sipas raporteve të mediave, shpërthimi ndodhi jashtë Moskës kur ajo po ngiste makinën e babait të saj pasi duke u kthyer në shtëpi nga një ngjarje letrare dhe muzikore. Ambasadori ukrainas Andrii Yurash e quajti deklaratën e Papës në lidhje me Dugina si "zhgënjyese".

“Fjalimi i sotëm i Papës ishte zhgënjyes dhe më bëri të mendoj për shumë gjëra: nuk mund të flitet për agresorin dhe viktimën, përdhunuesin dhe të përdhunuarin në të njëjtat kategori; si mund ta quash një nga ideologët e imperializmit rus. viktimë e pafajshme? Ajo u vra nga rusët si një viktimë sakrifikuese dhe tani është në luftën e mburojës", ka shkruar Yurash në Twitter.

Today’s speech ofPope was disappointing& made me think about many things: can’t speak inSame categories aboutАggressor &Victim, Rapist and Raped; howPossible To Mention 1of ideologists of????????ImperialismAs innocent victim?She wasKilledBy russiansAsSacredVictim &isNowOn Shield ofWar pic.twitter.com/GvvM7zJDCa
— Andrii Yurash (@AndriiYurash) August 24, 2022