Aktualitet

Burri vret gruan në Mirditë, po pastronte armën dhe e qëlloi aksidentalisht

54-vjeçarja me inicialet V.P., ka marrë plagë në të gjithë trupin dhe është dërguar në spital, ku ka ndërruar jetë.

21 Gusht 2022, 12:39 Nga F.M
Burri vret gruan në Mirditë, po pastronte armën dhe e qëlloi
Foto Ilustruese

MIRDITË- Një 61-vjeçar ka vrarë gruan e tij aksidentalisht pasi ka qenë duke pastruar armën. Mësohet se ngjarja e rëndë ka ndodhur në Mirditë. 54-vjeçarja me inicialet V.P., ka marrë plagë në të gjithë trupin dhe është dërguar në spital. Por, fatkeqësisht gruaja ka ndërruar jetë.

Njoftimi i policisë: Spitali Rajonal Rrëshen ka njoftuar sallën operative të Komisariatit të Policisë Mirditë, se ishte dërguar nga të afërmit e saj, për ndihmë mjekësore, shtetasja V. P., e plagosur me armë zjarri, e cila si pasojë e dëmtimeve kishte humbur jetën. Nga verifikimet paraprake të kryera nga shërbimet e Policisë, dyshohet se në fshatin Jezull, Mirditë, në banesë, shtetasi P. P., 61 vjeç, duke pastruar një armë zjarri pistoletë, ka qëlluar aksidentalisht bashkëshorten e tij, shtetasen V. P., 54 vjeçe, e cila është transportuar menjëherë në spital për ndihmë mjekësore, nga të afërmit e saj, por si pasojë e dëmtimeve të marra ka humbur jetën. Shtetasi P. P. është shoqëruar në ambientet e Komisariatit të Policisë Mirditë, për veprime të mëtejshme procedurale, ndërsa arma e zjarrit pistoletë është sekuestruar në cilësinë e proves materiale. Grupi hetimor, nën drejtimin Prokurorisë së Rrethit Gjyqësor Lezhë, vijon punën në vendngjarje, për zbardhjen e plotë të rrethanave të ngjarjes.

mirdite vitore paçuku paulin paçuku burri vret gruan ne mirdite

Sondazh

Poll

MË SHUMË