Aktualitet

Incidenti mes rusëve dhe ushtarëve shqiptarë, pjesë e hetimeve edhe shërbimet e huaja

Shërbimet e huaja inteligjente, partnere të vendit tonë janë përfshirë në hetimin për ngjarjen në uzinën e Gramshit.

21 Gusht 2022, 11:58 Nga A.B
Incidenti mes rusëve dhe ushtarëve shqiptarë, pjesë e
Ushtaret shqiptare

TIRANË- Incidenti i ndodhur mbrëmjen e djeshme në uzinën në Gramsh, mes dy turistëve rusë, një ukrainas dhe dy ushtarëve shqiptarë, do të hetohet edhe nga shërbimet e huaja. 

'News24' informon se shërbimet e huaja inteligjente, partnere të vendit tonë janë përfshirë në hetimin për ngjarjen në uzinën e Gramshit. Këto struktura po ofrojnë asistencën e tyre në ndihmesë të autoriteteve shqiptare për zbardhjen e ngjarjes, pasi dyshohet se kemi të bëjmë me një rrjet spiunazhi rus.

Sulmi që la të lënduar dy ushtarë shqiptarë nisi ditën e djeshme rreth orës 17:40. Ka qenë roja i Uzinës së armëve në Gramsh, ai që ka vënë re i pari lëvizjet e dyshimta rreth objektit. Ai ka njoftuar përgjegjësin e rojeve se një person ka hyrë drenda territorit dhe ka tentuar të bëjë foto. Si përgjegjësi ashtu edhe efektivi që ruan objektin kanë zbatuar rregulloren dhe i kanë bërë thirrje personit që po bëne foto që të ndalonte. Ata i kanë bërë thirrje, por, personi në fjalë është kundërpërgjigjur me spraj neoparalizues. Pavarësisht sulmit, ushtarakët Albi Bici dhe Ardian Xhaka kanë arritur që ta ndalojnë 24-vjeçarin Mikhail Zorin. Ushtarët shqiptarë nuk janë ndalur me kaq. Ata kanë parë mjetin “Chevrolet”, Brenda të cilit ndodhej rusja Svetlana Timofoeva 33 vjeçe dhe ukrainasi F. A., 25 vjec. Dy ushtarakët e plagosur janë dërguar në spital e ndodhen jashtë rrezikut për jetën.

ruset sulmojne uzinen e gramshit

Sondazh

Poll

MË SHUMË