Aktualitet

Vendi vakant në Gjykatën Kushtetuese, mblidhet në shtator Gjykata e Lartë

Në garë për këtë pozicion vakant janë: Ilir Toska, Manjola Xhaxho dhe Holta Zacaj.

19 Gusht 2022, 10:04 Nga A.B
Vendi vakant në Gjykatën Kushtetuese, mblidhet në shtator Gjykata
Gjykata Kushtetuese

TIRANË-Gjykata e Lartë do të mblidhet më 12 shtator në orën 10:00 për të shqyrtuar listën me dokumentacionin përkatës për kandidatët që kanë konkuruar për vendin vakant të Gjykatës Kushtetuese. Në garë për këtë pozicion vakant janë: Ilir Toska, Manjola Xhaxho dhe Holta Zacaj.

NJOFTIMI I GJYKATËS:

Këshilli i Emërimeve në Drejtësi ka përcjellë në Gjykatën e Lartë më datë 15.08.2022, raportin e miratuar dhe listën me dokumentacionin shoqërues të kandidatëve që kanë konkuruar për vendin vakant të Gjykatës Kushtetuese, të shpallur nga Gjykata e Lartë më datë 21.09.2019, rishpallur më datë 19.04.2019, rishpallur më datë 03.06.2021, si dhe rishpallur më datë 15.11.2021.

Zëvendëskryetari i Gjykatës së Lartë, z. Sokol Sadushi, në zbatim të detyrimeve ligjore që burojnë nga pika 3 e nenit 7/ç të ligjit nr. 8577, datë 10.02.2000 “Për organizimin dhe funksionimin e Gjykatës Kushtetuese të Republikës së Shqipërisë” (i ndryshuar), nenit 4 të Rregullores së Mbledhjes së Posaçme të gjyqtarëve të Gjykatës së Lartë për zgjedhjen e anëtarit të Gjykatës Kushtetuese, si dhe të nenit 26, pika 2 të ligjit nr. 98/2018 “Për organizimin e pushtetit gjyqësor në Republikën e Shqipërisë”, ka vendosur thirrjen e Mbledhjes së Posaçme të gjyqtarëve të Gjykatës së Lartë, për të zgjedhur anëtarin e Gjykatës Kushtetuese, ditën e hënë, datë 12.09.2022, ora 10.00.

gjykata kushtetuese

Sondazh

Poll

MË SHUMË