Aktualitet

U rekrutua nga ISIS/ Floresha Rasha bashkëpunon me SPAK, tregon rrugëtimin drejt Sirisë

Ajo tashmë është dërguar në një bazë sekrete, aty ku do të tregojë rrugëtimin drejt Sirisë.

17 Gusht 2022, 13:08 Nga A.B
U rekrutua nga ISIS/ Floresha Rasha bashkëpunon me SPAK, tregon
Floresha Rasha

TIRANË- Floresha Rasha e cila u riatdhesua nga Siria pas 7 vitesh, ka pranuar të bashkëpunojë me Prokurorinë e Posçme SPAK për të zbuluar se si kryhej rekrutimi i shtetasve shqiptarë për t’u bashkuar me ISIS.

Ajo tashmë është dërguar në një bazë sekrete, aty ku do të tregojë rrugëtimin drejt Sirisë. Sipas Klodiana Lalës, ajo ka thënë për hetuesit e SPAK se shkoi në Siri pasi e bindi Genci Balla.

Më 27 tetor të 2020-ës Floresha dhe 3 fëmijët e saj u riatdhesuan në Shqipëri. Për shkak të gjendjes shëndetësore, Floresha u mor me barrelë. Ajo është marrë disa herë në pyetje, ndërsa është hetuar nëse ka qenë e përfshirë për 7 vite në Al-Hol në akte terrori apo jo. 

KUSH ËSHTË FLORESHA RASHA?

Floresha Rasha është gruaja e parë shqiptare që u nxorr nga kampi Al-Hol në Siri dhe bashkë më tre fëmijët e saj, u rikthyen në Shqipëri. Ajo është e veja e Diamant Rashës, e cila ndodhej në Siri që prej vitit 2014, vit në të cilin i shoqi iu vra në luftë. Floresha ishte e martuar me Diamant Rashën, i cili në Shqipëri punonte si shpërndarës picash, por kur shkoi në Siri, u njoh me emrin “Ebu Amar”.

Diamant Rasha u kthye në luftëtar për ngritjen e Shtetit Islamik, dhe në vitin 2014, u ekzekutua me snajper. Pas kësaj ngjarjeje të rëndë, Floresha Rasha kërkoi të kthehej në Shqipëri, po xhihadistët e bllokuan bashkë me fëmijët.

Diamant Rasha (Alias – Ebu Amar) ishte i biri i Shaban dhe i Xhemile, i datëlindjes 24.08.1980, lindur në Sllovë, Dibër e banues në Rruga “Ferit Xhajko” (Rr. Pal Hasa), Tiranë, me gjendje civile i martuar me fëmijë. Diamanti kishte frekuentuar xhaminë tek Unaza e Re në Tiranë ku ishte imam Genci Balla.

Diamanti jetonte me shpresën se një ditë, pas mbarimit të luftës, do të jetonte në Siri. Ai mendonte se aty duhet të jetonte çdo njeri që ishte i fesë islame. Sipas Diamantit, në Sham (Siri) do të shfaqen për herë të parë dhe shenjat e mëdha të kijametit (shkatërrimi përfundimtar i botës), në Sham do të zbresë imamë Mehdiu, do të shihet me sy të lirë dalja e Dexhallit (krijesë e mbinatyrshme) që përkon me fundin e jetës në tokë. Kështu, duke besuar fort në këtë bindje, Diamanti u nis më 16.01.2013 nga Tirana në Stamboll, Turqi për të vijuar më pas, me rrugën për në Siri.

Por, ëndrrën, nuk e realizoi dot pasi një vit më vonë, Diamanti u vra në luftë. 

floresha rasha

Sondazh

Poll

MË SHUMË