Aktualitet

Kanosi policin në Gjirokastër, arrestohet 38-vjeçari, i gjendet thikë me vete

Gjatë arrestimit agresorit i është gjetur edhe një mjet prerës i llojit thikë.

16 Gusht 2022, 13:17 Nga A.B
Kanosi policin në Gjirokastër, arrestohet 38-vjeçari, i gjendet
Policia Gjirokaster

GJIROKASTËR- Policia ka vënë në pranga një 38-vjeçar pasi ka kanosur një efektiv policie, teksa ky i fundit ishte duke kryer detyrën. Gjatë arrestimit agresorit i është gjetur edhe një mjet prerës i llojit thikë. Ky person do të hetohet për veprat penale “Kanosja për shkak të detyrës” dhe “Prodhimi, mbajtja, blerja apo shitja pa leje e armëve të ftohta”.

NJOFTIMI I POLICISË:

Kanosi për shkak të detyrës punonjësin e Policisë, si dhe gjatë kontrollit fizik iu gjet një mjet prerës (thikë), arrestohet në flagrancë 38-vjeçari. Specialistët e Seksionit për Hetimin e Krimeve në Komisariatin e Policisë Gjirokastër arrestuan në flagrancë shtetasin I. O., 38 vjeç, banues në Gjirokastër.

Ky shtetas më datë 15.08.2022, në fshatin Derviçan, Gjirokastër, ka kanosur për shkak të detyrës punonjësin e Policisë, shtetasin H. H., pasi punonjësi i Policisë, në zbatim të detyrave funksionale, ka referuar materialet në Prokurori në ngarkim të vëllait të 38-vjeçarit, i cili ishte kapur më parë nga shërbimet e Policisë me një sasi të vogël lënde narkotike kanabis. Shërbimet e Policisë, gjatë kontrollit fizik të shtetasit I. O., gjetën dhe sekuestruan në cilësinë e provës materiale, një mjet prerës (thikë). Materialet i kaluan Prokurorisë pranë Gjykatës së Shkallës së Parë Gjirokastër, për veprat penale “Kanosja për shkak të detyrës” dhe “Prodhimi, mbajtja, blerja apo shitja pa leje e armëve të ftohta”.

arrestim ne gjirokaster

Sondazh

Poll

MË SHUMË