Aktualitet

Plagosja e inspektorit, fqinjët e Muçës: S’u dhanë kohë të mblidhnin plaçkat, ia shembën shtëpinë për të ndërtuar pallat

IMT-ja nuk u ka dhënë kohë që të mbledhin as orenditë shtëpiake dhe se në momentin që kanë mbërritur, vajza e mitur e Muçës ka qenë brenda banesës dhe është trembur.

12 Gusht 2022, 21:00 Nga F.M
Plagosja e inspektorit, fqinjët e Muçës: S’u dhanë
Vendi ku Qani Muça plagosi inpektorin Ilirjan Gavelli

TIRANË- Fqinjët e Qani Muçës, 55-vjeçarit që plagosi me armë zjarri inspektorin Ilirjan Gavelli pretendojnë se shtëpia 3-katëshe që ushemb sot nga IMT, ishte në proces legalizimi. Jashtë kamerave, ata kanë treguar se familja Muça nuk ishte lajmëruar për shembjen e banesës ditën e sotme.

Ata shtojnë se IMT-ja nuk u ka dhënë kohë që të mbledhin as orenditë shtëpiake dhe se në momentin që kanë mbërritur, vajza e mitur e Muçës ka qenë brenda banesës dhe është trembur. Sipas banorëve, në vendin ku ndodhej godina 3-katëshe do të ndërtohet një pallat.

Në momentin që Qani Muça është lajmëruar për shembjen e shtëpisë ka ardhur me armë në dorë ne vendngjarje dhe ka qëlluar në drejtim të inspektorëve. Një nga plumbat ka kapur punonjësin e IMT-së Ilirjan Gavelli, i cili ka mbetur i plagosur në bark. 55-vjeçari është arrestuar, ndërsa Gavelli ndodhet në spital, jashtë rrezikut për jetën.

ilirjan gavelli qani muca plagoset punonjesi i imt

Sondazh

Poll

MË SHUMË