Politike

Tedi Blushi poston videon: Shqipëria po përpihet nga flakët, qeveria asnjë masë

Me anë të një postimi në Facebook, Blushi shkruan se papërgjegjshmëria e qeverisë po djeg vendin dhe se po shkrumbon pronat e qytetarëve.

8 Gusht 2022, 22:44 Nga I.A
Tedi Blushi poston videon: Shqipëria po përpihet nga flakët,
Zjarret

TIRANË- Sekretari i Përgjithshëm i Partisë së Lirisë Tedi Blushi ka reaguar për situatën e zjarreve në vend. Me anë të një postimi në Facebook, Blushi shkruan se papërgjegjshmëria e qeverisë po djeg vendin dhe se po shkrumbon pronat e qytetarëve. Po ashtu ai shkruan se shpërdorimi i detyrës meriton ndëshkim ligjor. 

Postimi i Plotë:

SHQIPËRINË E MORI RAMA, I VU ZJARR! Papërgjegjshmëria e Qeverisë po djeg vendin, po shkrumbon pronat e qytetarëve dhe pasuritë publike! 80% e banesave në Grudë-Fushë janë përpirë sot nga flakët! Ndërkohë në të gjithë vendin asnjë masë nuk po merret për parandalimin dhe fikjen e zjarreve. Shqipëria po përvëlohet nga flakët, sepse Rama vazhdon të vjedhë me Djegësat fiktivë (inceneratorët). Dhjetë vite në pushtet, duke grabitur papushim dhe vetëm justifikime për dështimet, me pasoja kaq kriminale! Me korrupsionin e tyre po vrasin, me keqqeverisjen po shkatërrojnë ç'të mundin! Dorëheqjet sot janë pak! Shpërdorimi i detyrës meriton ndëshkim ligjor!

tedi blushi zjarret ne vend

Sondazh

Poll