Aktualitet

VD/ Qytetarët zhvendosen para Kryeministrisë: Duam drejtësi për Jonadën!

Kjo është hera e dytë që qytetarët dalin në shesh për të njëjtën arsye.

8 Gusht 2022, 20:26 Nga F.M
VD/ Qytetarët zhvendosen para Kryeministrisë: Duam drejtësi
Protesta për Jonada Avdian, Tiranë

TIRANË- Protestuesit që kërkojnë drejtësi për 7-vjeçaren Jonada Avdia janë zhvendosur para Kryeministrisë. Pas 30 minutave proteëstë para Ministrisë së Brendshme, ata kanë vendosur të dalin para zyrës së kryeministrit Edi Rama. Nga bulevardi, qytetarët kërkojnë drejtësi për 7-vjeçaren që u përplas për vdekje nga skafi që drejtohej nga ish-efektivi Arjan Tase.

Kjo është hera e dytë që qytetarët dalin në shesh për të njëjtën arsye. Ngjarja e rëndë ndodhi më 2 gusht. Vogëlushja 7-vjeçare Jonida u përplas për vdekje nga një skaf që drejtohej nga ish-shefi i komisariatit të Himarës, Arjan Tase. 

Për këtë ngjarje të rëndë është pezulluar i gjithë zinxhiri drejtues i Policisë Kufitare të Vlorës, si edhe inspektorët përgjegjës, por protestuesit nuk janë mjaftuar me kaq. Ata kërkojnë dorëheqjen e ministrave Çuçi, Kumbaro dhe Nanos. Tase ka qenë ish-shef i Policisë në Himarë, ndërsa kur ndodhi ngjarja ai mbante postin e shefit të Policimit në Elbasan, por Gledis Nano e përjashtoi përfundimisht nga policia. Ai është lënë në burg.

protesta per vrasjen e femijes ne himare jonada avdia

Sondazh

Poll

MË SHUMË