Sport

Ish-kapiteni i Gjermanisë i prerë me vendimin, bojkoton Botërorin e Katarit: U punua në kushte çnjerëzore

Ish-kapiteni i Bayern Munich dhe Kombëtares së Gjermanisë, Filip Lahm ka folur publikisht lidhur me mungesën e tij në Botërorin e Katarit

8 Gusht 2022, 13:07 Nga DOSJA

Ish-kapiteni i Gjermanisë i prerë me vendimin, bojkoton Botërorin

GJERMANI- Ish-kapiteni i Bayern Munich dhe Kombëtares së Gjermanisë, Filip Lahm ka folur publikisht lidhur me mungesën e tij në Botërorin e Katarit ku shkak për këtë vendim janë kushtet që punonjësit kanë pasur për të ndërtuar stadiumet ku do luhet Kupa e Botës dhe se janë raportuar 6500 vdekje në fillim të vitit.

Lahm qartësoi se nuk do të jetë pjesë e asnjë delegacioni dhe nuk do të udhëtojë drejt Katarit për Botërorin, por do ta ndjekë atë nga shtëpia.

“Unë nuk jam pjesë e delegacionit dhe nuk do të fluturoj atje si tifoz. Kështu që preferoj ta ndjek turneun nga shtëpia. Të drejtat e njeriut duhet të respektohen. Nëse një shteti i jepet kontrata që rezulton ndër më të këqijat në këtë aspekt, këto gjëra duhet të diskutohen.Edhe vetë futbollistët duhet të jenë kritikë për atë çka ka ndodhur në Katar”, u shpreh Lahm.

E.Ç (Dosja.al)

 

lahm kupa e botes

Sondazh

Poll

MË SHUMË