Sport

TRAGJIKE! 77 sportistë ukrainas kanë humbur jetën, si pasojë e pushtimit rus...

Sipas portalit të OJQ-ve ‘Sport Angels’ lista është e përditësuar deri më 11 korrik...

8 Gusht 2022, 11:35 Nga DOSJA

TRAGJIKE! 77 sportistë ukrainas kanë humbur jetën, si pasojë

UKRAINE - Të paktën 77 sportistë të nivelit të lartë ukrainas në disiplina të ndryshme kanë humbur jetën si rezultat i pushtimit rus të Ukrainës, sipas një numërimi të bërë nga një OJQ sportive lokale, që përfshin viktima të regjistruara deri më 11 korrik. Agjencia lokale ‘Ukrinform’ citon raportin e përgatitur nga OJQ ‘Sport Angels’ që përmban informacione për vdekjen e këtyre sportistëve në rrethana të ndryshme që nga fillimi i pushtimit rus më 24 shkurt.

Agjencia ukrainase tregon gjithashtu se faqja e internetit e OJQ-së do ta përditësojë së shpejti këtë informacion, i cili do të përfshijë atletë të tjerë ukrainas që kanë humbur jetën javët e fundit. Lista përfshin specialistin e kikboksit Mykola Zabavchuk, lojtarin e ligës së regbisë Maksym Shvets dhe kampionin e fortë vendas Vasyl Paveliev. Në këtë listë të sportistëve të humbur përfshihet gjithashtu notari Volodymyr Ulianytsky, trajneri i vaterpolos, Vitaliy Lysun, gjimnastin Daria Kurdel dhe futbollistin Serhiy Balanchuk.

Faqja e internetit ‘Sport Angels’ u krijua në Ukrainë disa muaj më parë për të dhënë informacion mbi sportistët që kanë humbur jetën dhe vdekur në luftë, disa prej tyre pasi u regjistruan në forcat e armatosura të vendit. Faqja u krijua me ndihmën e Komitetit të Sporteve të Ukrainës.

B.T (Dosja.al)

Sondazh

Poll

MË SHUMË