Bota

"Zonja Vdekja" e Putinit, kolonelja e parë femër vdes në një sulm raketor në Ukrainë

Nënkolonelja Olga Kachura u vra në një bastisje në Donbas. Ajo u bë oficerja e parë e ushtrisë ruse që vdiq në Ukrainë.

6 Gusht 2022, 18:28 Nga s.s
"Zonja Vdekja" e Putinit, kolonelja e parë femër vdes
Olga Kachura

UKRAINË- Nënkolonelja Olga Kachura, 52-vjeç, u vra në një bastisje në Donbas duke e bërë atë oficeren e parë të ushtrisë ruse që vdiq në Ukrainë. Ajo quhej si “Zonja e Vdekjes” sepse ajo argëtohej duke vrarë kundërshtarët e saj. 52-vjeçarja u godit nga një raketë teksa ishte në makinën e saj në qytetin Horlivka, në rajonin Donetsk.

Ajo ishte nënë e dy fëmijëve, ishte hetuese në Departamentin e Policisë së Ukrainës, ku kishte arritur gradën e nënkolonelit dhe kishte një karrierë në zhvillim e sipër, por ajo dezertoi duke ‘tradhtuar’ shokët e saj për të kaluar me Donbasin pro-rus gjatë trazirave, në rajonin e vitit 2014, raporton freepressjournal.in.

Në luftën në Ukrainë, asaj iu caktua komandimi i një divizioni artilerie raketore, me 140 trupa, i cili bombardoi civilët në Donetsk dhe u plagos disa herë në betejë. Sipas raportimeve nga Kievi, ajo gjithashtu kishte veshur uniformën ukrainase për të kryer krime lufte dhe për të diskredituar armikun. Vitin e kaluar ajo u dënua nga një gjykatë në Kiev me 12 vjet burg në mungesë për akuzat për terrorizëm. Nga lajmi për vrasjen e saj, në rrjetet sociale qarkullojnë disa foto të koloneles, bjonde dhe sykaltër, në të cilat ajo shihet e veshur me uniformë, por edhe me rroba civile dhe gjithmonë e buzëqeshur.

lufta ukraine-rusi ukraine rusi donbas rakete

Sondazh

Poll

MË SHUMË