Politike

VD-Berisha te familja e 7-vjeçares: Krim horror, akt i kryer nga një njeri i qeverisë

Kreu i PD-së tha se komisari Arjan Tase është një xhelat pasi kreu krimin në një distancë shumë të afërt me bregun e detit, në sy të qytetarëve

4 Gusht 2022, 11:33 Nga A.B
VD-Berisha te familja e 7-vjeçares: Krim horror, akt i kryer nga një
Sali Berisha

TIRANË- Kryetari i Partisë Demokratike, Sali Berisha e quan krim horror vrasjen e 7-vjeçares Jonada Avdia në Himarë nga ish-komisari Arjan Tase. Pasi doli nga familja Avdia, aty ku shprehu ngushëllimet, Berisha tha për mediat se krimi ka ndodhur nga një njeri i qeverisë. Kreu i PD-së tha se komisari është një xhelat pasi kreu krimin në një distancë shumë të afërt me bregun e detit, në sy të qytetarëve.

'Erdha si qytetar për vogëlushen e cila humbi jetën në një krim horror. Ka tronditur thellë çdo shqiptar e çdo njeri. Duhet të ishte vetëm një individ si ai që e kreu se kurrë nuk mund të ndodhte një akt i tillë. Një akt i tillë është jashtë përfytyrimit për një qytetar të thjeshtë por në fakt ky akt u krye nga një njeri i qeverisë. U krye me një mjet monstruoz krimi, siç ishte skafi. Ky akt u krye në distancën më të afërt me rërën, 3-4 metra. Në prani të pushuesve që loznin aty, në këtë aspekt, komisari nuk është gjë tjetër vec se një xhelat. Krimi, është një dëshmi e një shteti të mbushur me të tille. Nuk është rasti për ti numëruar këtu me radhë vdekjet në stacionet e policisë, vrasjet brenda stacioneve të policisë, nuk është rastësi. Ky xhelat skafist, imitoi ministrin e tij me skaf. Rama flet në mënyrën më të përçart, vampir mediatik e politik, nuk ka njeri që nuk tronditet para këtij krimi. Vampir është xhelati që i mori jetën.'- u shpreh Berisha. 

SI NDODHI TRAGJEDIA?

Tragjedia në Himarë ndodhi dy ditë më parë (2 gusht). 7-vjeçarja po lahej në breg, ku skafi me dy motorë e goditi rëndë duke i marrë jetën në vend. Aktualisht drejtuesi i skafit, Arjan Tase është shefi i policimit në komunitet në Elbasan. Ai është shoqëruar në polici ndërsa edhe është përjashtuar nga radhët e policisë. Në dëshminë e tij, Tase ka thënë se skafi nuk ishte i tij, por ia ka marrë një të afërmi për përdorim dhe ka shtuar se skafi kishte defekt, e për pasojë ka marrë gaz menjëherë, ka bërë një rrotullim në vend dhe ka goditur vajzën 7-vjeçare për vdekje.

sali berisha vdes femija ne himare

Sondazh

Poll

MË SHUMË