Politike

Tragjedia në Himarë/ Berisha i përgjigjet Ramës: Vampirë janë njerëzit afër tij, që marrin trafikantë droge e i bëjnë policë

Sali Berisha tha se ishte e pamundur të mos reagonte pasi në vend të 7-vjeçares, në bregdet mund të ishin fëmijët e tyre.

3 Gusht 2022, 20:06 Nga k.m.
Tragjedia në Himarë/ Berisha i përgjigjet Ramës:
Sali Berisha

VLORË- Ish-kryeministri Sali Berisha i është përgjigjur kryeministrit Edi Rama, i cili sot e cilësoi atë dhe opozitarë të tjerë si "vampirë politikë" pasi reaguan lidhur me ngjarjen e rëndë në Himarë. Në një takim me qytetarë dhe biznesmenë në quytetin e Vlorës, Berisha tha se ishte e pamundur të mos reagonte pasi në vend të 7-vjeçares, në bregdet mund të ishin fëmijët e tyre. Sipas Berishës, vampirë janë njerëzit afër Ramës që marrin persona si Arjan Tase dhe i bëjnë policë, kur në fakt janë trafikantë droge.

NJOFTIM PËR SHTYP

Ndodhin ngjarje ndër më tragjiket. Buzë uji, se 7-vjeçarja nuk mund të shkojë thellë e bluan, skafi i komisarit. Nuk ndodh në botë kjo. Komisari skafin të paregjistruar. E thoshte sot një qytetar shumë bukur: Ky kryeministër na thotë të dënohet ai që e kreu. Jo, ai të dënohet, por të dënohet edhe ai që e merr nga trafikant dhe e bën polic, nga polic e bën skafist, nga skafist e bën vrasës. A është kështu apo jo? Pastaj, për të larë duart, thotë vampirët politikë dhe mediatikë. Bën fjalë për vampirë politikë dhe mediatikë që reagojnë. Si të mos reagojmë kur secili nga ne mund të kishte fëmijën, vajzën, djalin, mbesën në breg. Si mund t’ia bluash fëmijën? Vampirë janë njerëzit pranë tij që ai i mbron, i mbështet. A nuk i mori jetën ambulanca Samuel Ndojit, 10-vjeçar, në Gjirokastër? Si na thanë për të? Na thanë se ajo po transportonte një grua shtatzënë me urgjencë. Një gazetar trim doli aty dhe tha është gënjeshtër. Por merrte dhe çonte pasagjerë me lekë. Drejtori i Përgjithshëm i Policisë na mashtroi, ai mbulonte krimin. Kurse gazetari u bë dëshmitar i të vërtetës. Ardit Gjoklaj, e murosën në plehra, ndërmarrje qeverie. Gazetari e nxori. Kush ishte vampir ai që po e fshihte apo ai që po thoshte të vërtetën? Klodian Rashën e vranë tek dera e shtëpisë. Çfarë na thanë vampirët e Edi Ramës? A nuk na thanë që u gjet revolja në pellg? Doli që s’kishte asnjë lidhje. Media dhe qytetarët reaguan. Por ai habitet, si ka mundësi një reagim i tillë. Këta kanë humbur çdo ndjeshmëri. Kanë humbur ndjeshmëritë njerëzore. Kur Samuelit i merrte jetën Samuelit me 100 km shpejtësi, Olta Xhaçka shprehte pikëllimin nga hotelet në Himarë, edhe pse ajo ishte një krizë nga më të mëdhatë që kishte vendi. Ky ngrihet dhe thotë janë vampirë. Kjo është një goditje e madhe ndaj turizmit, ndaj asaj familje, ndaj vendit. Turizmi këtë vit për fatin më të keq dëshmoi një rënie të madhe me pasoja shumë serioze.

Sot, Rama akuzoi kryetarin e Partisë Demokratike, Sali Berishën të cilit i referohet me termin 'non grata' se po kthen në motiv lufte politike vdekjen e vogëlushes. Sipas Ramës, kjo s'është as e para as e fundit herë kur një fatkeqësi që trondit shoqërinë, përdoret nga opozita në këtë mënyrë në shkelje të çdo kodi moral, familjar, kombëtar. Ndërsa për shkarkimet që u bënë në forcat e policisë së Vlorës, kreu i qeverisë i quan hapa të duhur.

sali berisha edi rama

Sondazh

Poll

MË SHUMË