Politike

Tragjedia në Himarë/ Berisha: Skafi përdorej për drogë, kush është djali i xhaxhait që ia dha?

Sipas mesazhit të publikuar nga Berisha, skafi dyshohet se përdorej për trafik droge dhe ishte i paregjistruar.

3 Gusht 2022, 11:05 Nga A.B
Tragjedia në Himarë/ Berisha: Skafi përdorej për drogë,
Sali Berisha

TIRANË- Kryetari i Partisë Demokratike Sali Berisha ka publikuar mesazhin e një qytetari dixhital që flet për tragjedinë në Himarë, aty ku hidhen akuza për drejtuesin e skafit dhe për personin që ia dha. Sipas mesazhit të publikuar nga Berisha, skafi dyshohet se përdorej për trafik droge dhe ishte i paregjistruar.

POSTIMI I PLOTË

Skafisti me uniformë që i mori jetën vogëlushes Jonada e kishte skafin tëe paregjistruar. Dyshohet se skafi përdorej për trafik droge. Lexoni mesazhin e qytetarit dixhital! sb Dr. përshëndetje, skafi që vrau dje 7-vjeçaren është i paregjistruar! Fakti që ai ndodhej në Portoromano, ngre shumë dyshime që ai është përdorur edhe për drogë! Një polic nga Himara më tha se ai skaf ka kaluar drogë në ishujt grek! Pyetja është: Kush i dha leje këtij personi të zbriste në det?! Sepse duhet të firmosë tek kapiteneria e zonës ku hidhet në det skafi. Ai nuk ka firmos askund për të shëtitur në det! Policia janë në dijeni se ai skaf është përdorur për drogë. Në cilën datë ka zbritur në det skafi?! Kush është djali i xhaxhait që i paska dhënë këtij skafin?!

Ngjarja e rëndë ndodhi më 2 gusht në Plazhin e Potamit në Himarë, ku 7-vjeçarja Jonada Avdia, u godit për vdekje nga gomonia teksa po lahej në det. E mitura u përplas fillimisht nga pjesa ballore e gomones dhe më pas trupi i saj është prerë nga helikat duke ndërruar jetë në vend. Fëmija, me origjinë nga Tropoja jetonte me familjen e saj në Angli, por ishte kthyer në atdhe për pushime. Drejtuesi i gomones është shefi i policimit në komunitet në Elbasan, Arjan Tase u shoqërua në polici, ndërsa drejtuesi i Policisë së Shtetit, Gledis Nano e përjashtoi Arjan Tasen përfundimisht nga policia.

vdes femija ne himare

Sondazh

Poll

MË SHUMË