Bota

Tensionet në veri të Kosovës/ Reagon Kurti: Vuçiç dhe Petkoviç janë përgjegjësit kryesorë

Me anë të një postimi në facebook ai shprehet se qeveria e Kosovës është demokratike e progresiste, që e don, respekton dhe zbaton ligjin dhe kushtetushmërinë, paqen dhe sigurinë, për të gjithë qytetarët pa dallim dhe për mbarë vendin tonë të përbashkët.

31 Korrik 2022, 21:01 Nga e.k
Tensionet në veri të Kosovës/ Reagon Kurti: Vuçiç
Albin Kurti

PRISHTINË- Kryeministri i Kosovës, Albin Kurti ka reaguar pas tensione të krijuara në veri të Kosovës duke thënë se presidenti i Serbisë Aleksandër Vuçiç dhe Petar Petkoviç janë përgjegjësit kryesorë për gjendjen në Veriun e Kosovës.

Me anë të një postimi në facebook ai shprehet se qeveria e Kosovës është demokratike e progresiste, që e don, respekton dhe zbaton ligjin dhe kushtetushmërinë, paqen dhe sigurinë, për të gjithë qytetarët pa dallim dhe për mbarë vendin tonë të përbashkët.

"Përcjellni me vëmendje njoftimet nga qeveria jonë, nga Ministria e Punëve të Brendshme dhe Policia e Kosovës, dhe, mos lejoni të dezinformoheni nga mediet e Beogradit zyrtar apo edhe ndonjë medie në Kosovë që me vetëdije u shërben atyre apo pa vetëdije bie pre e tyre. Orët e ditët e javët në vijim mund të jenë sfiduese e problematike. Po përballemi me nacional-shovinizmin serbomadh që e njohim mirë. Do të punojmë ditë e natë, do të jemi në krye të detyrës, për juve si qytetarë dhe për Republikën tonë demokratike. Dhe, së bashku arrijmë të ngadhënjejë rendi e ligji duke i vendosur ato në çdo cep të vendit", tha Kurti.

POSTIMI I ALBIN KURTIT

albin kurti

Sondazh

Poll

MË SHUMË