Sport

Strategjia e Ferrarit i dha fitoren Verstappen, tifozët kërkojnë 'kokën' e drejtorit të ekipit: Binotto out!

Çmimi i Madh i Hungarisë ishte e hidhur për Ferrarin, me të dy pilotët që nuk arritën të preknin podiumin pavarësisht rezultatit të shkëlqyer të marrë dje në provat zyrtare.

31 Korrik 2022, 18:49 Nga DOSJA
Strategjia e Ferrarit i dha fitoren Verstappen, tifozët kërkojnë
Mattia Binotto

HUNGARI- Çmimi i Madh i Hungarisë ishte e hidhur për Ferrarin, me të dy pilotët që nuk arritën të preknin podiumin pavarësisht rezultatit të shkëlqyer të marrë dje në provat zyrtare. Për të analizuar garën ishte drejtori i ekipit Mattia Binotto, i cili nuk donte të dëgjonte për strategjinë e gabuar.

"Të gjithë prisnim një rezultat të ndryshëm, problemi nuk ishte strategjia por makina që nuk shkoi mirë. Nëse makina do të ishte në gjendjen e duhur nuk do të ishim këtu duke folur për strategjinë, sot mungonte gjithçka”.

Edhe një herë Binotto ishte i qartë: "Ne do të analizojmë gjithçka, por mbi të gjitha pse makina nuk kishte ritmin e duhur. Sot makina nuk funksionoi siç e pamë të premten dhe në këtë fillim sezoni, ne nuk mbajtëm hapin". Deklaratë që nuk është pritur mirë nga tifozët e Ferrarit të cilët kanë kërkuar largimin e drejtorit duke nisur një fushatë në rrjetet sociale me titullin #Binottout.

E.Ç (Dosja.al)

binotto ferrari

Sondazh

Poll

MË SHUMË