Aktualitet

E përfituar në mënyrë të paligjshme, SPAK sekuestron pasuri me vlerë 13 mln euro në Lezhë

Ndërkohë që nuk dihet se kush janë personat që e kanë përfituar këtë pasuri në mënyrë të paligjshme pasi në njoftim SPAK nuk jep detaje se kujt i përkasin këto prona.

29 Korrik 2022, 15:08 Nga I.A
E përfituar në mënyrë të paligjshme, SPAK sekuestron
SPAK

LEZHË- Prokuroria e Posaçme kundër Korrupsionit dhe Krimit të Organizuar ka sekuestruar 66 mijë m2 tokë në disa zona bregdetare në Lezhë, pasi ishte përfituar nga disa persona në mënyrë të paligjshme. Në njoftimin e SPAK, bëhet me dije se toka e sekuestruar kishte një vlerë prej 13 milion eurosh. Ndërkohë që nuk dihet se kush janë personat që e kanë përfituar këtë pasuri në mënyrë të paligjshme pasi në njoftim SPAK nuk jep detaje se kujt i përkasin këto prona.

Njoftimi i SPAK:

Prokuroria e Posaçme kundër Korrupsionit dhe Krimit të Organizuar, me datë 20.12.2019 ka regjistruar procedimin penal nr.29, për veprat penale “Prodhimi dhe shitja e narkotikëve”, “Trafikimi i narkotikëve”, “Grupi i strukturuar kriminal” dhe “Kryerja e veprave penale nga organizata kriminale dhe grupi i strukturuar kriminal”, parashikuar nga nenet 283, 283/a, 333/a, dhe 334 i Kodit Penal.

Gjatë hetimit të këtij procedimi penal ka rezultuar se disa shtetas në bashkëpunim me njëri tjetrin dhe në bashkëpunim me zyrtarë shtetërorë,nëpërmjet dokumenteve të falsifikuara dhe veprimeve të tjera të  kundërligjshme,kanë përfituar në mënyrë të paligjshme një sipërfaqe prej 66 000 m2 tokë në disa zona bregdetare në Lezhë, me një vlerë prej rreth 13 milion euro. Këto prona kanë rezultuar se janë produkt i veprave penale të përshkruara më sipër.

Prokuroriae Posaçme kundër Korrupsionit dhe Krimit të Organizuarka paraqitur kërkesë për vendosjen e masës së sigurimit pasuror “sekuestro preventive” për këto pasuri dhe nga ana e Gjykatës së Posaçme për Korrupsionin dhe Krimin e Organizuar me vendimin nr.345 datë 28.07.2022, është vendosur :

Pranimi i kërkesës së Prokurorisë së Posaçme kundër Korrupsionit dhe Krimit të Organizuar.

Vendosjen e masës së sigurimit pasuror “sekuestro preventive” mbi pasuritë si më poshtë:

Pasuria e paluajtshme e llojit “tokë arë”, me sipërfaqe8000 m2, Ishull Lezhë.

Pasuria e paluajtshme e llojit “tokë arë”, me sipërfaqe1148 m2, Ishull Lezhë.

Pasuria e paluajtshme e llojit“tokë arë”, me sipërfaqetotale prej 27,009.80m2, me adresë në Mali Rencit, Lezhë.

Pasuria e paluajtshme lloji i pasurisë “tokë arë”, me sipërfaqe totale prej 30,663.70m2, me adresë në Mali Rencit, Lezhë.

Hetimet lidhur me këtë procedim penal vazhdojnë.

spak

Sondazh

Poll

MË SHUMË