Politike

Revoltohet Ina Zhupa: Duhet të ishte në rend dite Butrinti dhe fyerjet e Richard Hodges

Zhupa në një deklaratë për mediat jashtë sallës së Kuvendit reagoi ashpër ndaj kryeparlamentares Lindita Nikolla

28 Korrik 2022, 18:02 Nga A.B
Revoltohet Ina Zhupa: Duhet të ishte në rend dite Butrinti dhe fyerjet
Ina Zhupa

TIRANË- Deputetja e PD-së, Ina Zhupa në një deklaratë për mediat jashtë sallës së Kuvendit reagoi ashpër ndaj kryeparlamentares Lindita Nikolla që nuk e kishte futur në rend të ditës kërkesën e saj për interpelancë për deklaratat e pjesëtarit të fondacionit amerikano-Shqiptar Richard Hodges, për Butrintin. Ajo u shpreh se qytetarët shqiptarë kanë më shumë interes për atë që po ndodh me Butrintin sesa për shkarkimin e Arben Ahmetajt.

“Jeni në dijeni të deklaratave antishqiptare që ka mbajtur Richard Hodges, pjesëtari i Fondacionit Amerikan-Shqiptare. Kemi bërë një kërkesë për interpelancë urgjente që duhet të ishte pika e parë e rendit të ditës sot. Një çështja me rëndësi, por nuk morëm asnjë shpjegim se pse nuk kishte vënë këtë çështja në rendi dite. Besoj se për qytetarët shqiptarë sot nuk është e rëndësishme nëse ikën Beni dhe vjen Bela, por bëhet fjalë për identitetin e shqiptarëve. Deklarata e Richard Hodges është fyerje, tradhti kombëtare. Dhe jo që të heshtjen përballë këtij fakti, bashke me pupacen në Ministrinë e Kulturës.”, tha Zhupa.

seance plenare 28 korrik 2022 ina zhupa

Sondazh

Poll