Politike

Ilir Meta, bashkëpunëtor i Sigurimit të Shtetit? Blushi sfidon Autoritetin e Dosjeve: Nxirrni faktet

Në sqarimin e Tedi Blushit, ai shkruan se kërkon që Autoriteti i Dosjeve të bëjë publike të gjitha informacionet.

26 Korrik 2022, 20:41 Nga k.m.

Ilir Meta, bashkëpunëtor i Sigurimit të Shtetit? Blushi sfidon

TIRANË- Anëtari i Komiteti Organizativ të Partisë së Lirisë, Tedi Blushi ka reaguar lidhur me lajmin e nxjerrë sot nga Autoriteti i Dosjeve. Kur kanë kaluar dy ditë nga largimi i Ilir Metës nga posti i presidentit të vendit, sot Autoriteti i Dosjeve bëri me dije se një politikan i lartë me iniciale I.M., ka qenë agjent i Sigurimit të Shtetit. Në sqarimin e Tedi Blushit, ai shkruan se kërkon që Autoriteti i Dosjeve të bëjë publike të gjitha informacionet.

"Mos e lodhni kot Kuvendin me këtë punë, se ka çështje të tjera më të rëndësishme për t’u marrë si aferën skandaloze të inceneratorëve apo Marrëveshjen e Detit me Greqinë (kujtoni letrën e fundit të Presidentit të Republikës për të gjithë deputetët). Latë nam me patronazhistët e sotëm ju që paskeni merakun e “patronazhistëve” të komunizmit. I bëjmë thirrje autoritetit të dosjeve të hapë që sot dhe të bëjë publike çdo dosje dhe formacion të sigurimit të shtetit dhe gjithçka tjetër, përfshirë edhe procesverbalet e organizatës së rinisë të asaj kohe,"-shkruan në postimin e tij Blushi.

POSTIMI I PLOTË:

Pasditen e sotme, Autoriteti për Informim mbi Dokumentet e ish-Sigurimit të Shtetit (1944÷1991) ka publikuar një raport të ri, duke hedhur dyshime se një politikan ka bashkëpunuar me ish-Sigurimin e Shtetit. Nuk e ka bërë me dije me emër se për kë bëhet fjalë, por ka dhënë inicialet I. M. Përveç tij, kanë dalë edhe inicialet e katër deputetëve të tjerë, por edhe këta janë të paidentifikuar. 

tedi blushi meta ne sigurimin e shtetit

Sondazh

Poll

MË SHUMË