Sport

Alarm te Juventusi! Dëmtimi i Pogba, më i rëndë nga sa u mendua, rrezikon operimin e meniskut anësor dhe dy muaj pushim

Nëse është e nevojshme, ndërhyrja kirurgjikale e mesfushorit do të kryhet direkt në Shtetet e Bashkuara

26 Korrik 2022, 10:22 Nga DOSJA

Alarm te Juventusi! Dëmtimi i Pogba, më i rëndë nga sa u

SHBA - Dëmtimi i Paul Pogba doli më i rëndë se sa parashikimet e para dhe tani mesfushori francez ka gjasa të ndalet për 6-8 javë. Dukej si një dhimbje e thjeshtë në gjurin e djathtë, por ekzaminimet radiologjike, të cilave iu nënshtruan mesfushori bardhezi, treguan një dëmtim të meniskut lateral. 

Në orët e ardhshme, blerja e re e Juventusit do t'i nënshtrohet një konsulte ortopedike të specializuar në Shtetet e Bashkuara. Sipas të gjitha gjasave, ai mund të operohet drejtpërdrejt në Amerikë, në mënyrë që të përshpejtojë sa më shumë kohët e rikuperimit.

Është e qartë se Pogba nuk e ka ndjekur skuadrën në Teksas, ku Juve do të përballet sonte me Barcelonën dhe duhet t'i nënshtrohet një konsulte të re mjekësore sot. Për momentin Juventusi ka lëshuar këtë deklaratë: "Pogba i është nënshtruar hetimeve radiologjike që kanë treguar një dëmtim të meniskut anësor. Në orët në vijim ai do t'i nënshtrohet një konsulte të specializuar". 

Zgjidhja që na pret pra është ajo e ndërhyrjes, mundësitë e shmangies së operacionit nuk janë të shumta, pasi është edhe një problem që lojtari e ka akumuluar prej disa kohësh. Sigurisht që Pogba nuk do të jetë për debutimin e tij në Seria A kundër Sassuolos më 15 gusht, por ai do të humbasë edhe dy ndeshjet e para të Champions League, të planifikuara për 6-7 shtator dhe 13-14 shtator. Rikthimi në fushë në rast ndërhyrjeje duhet të bëhet në fund të shtatorit-fillim të tetorit. Gjithsesi në orët në vijim tabloja do të jetë më e qartë.

B.T (Dosja.al)

Sondazh

Poll

MË SHUMË