Sport

VIDEO/ 'Braktisi' Juven, Bernardeschi zbarkon në Kanada, do të firmosë për Toronton…

Anësori italian zbarkon në MLS dhe do të luajë së bashku me bashkatdhetarin e tij Lorenzo Insigne

16 Korrik 2022, 11:31 Nga DOSJA

VIDEO/ 'Braktisi' Juven, Bernardeschi zbarkon në Kanada, do

KANADA - Federico Bernardeschi është tashmë në Toronto për të nënshkruar me ekipin kanadez dhe për të luajtur në MLS të Amerikës së Veriut. Ai do ta bëjë pjesë në të njëjtin skuadër me bashkatdhetarin e tij Lorenzo Insigne.

Nënshkrimi i futbollistit italian me Toronto FC ka qenë një nga ‘bombardimet’ më të fundit të merkatos së kësaj vere. Anësori 28-vjeçar mbërrin në Shtetet e Bashkuara pas disa tentativave nga ekipet europiane, si Sevilla, por në fund preferoi skuadrën kanadeze.

Sulmuesi anësor i kombëtares italiane nuk ka pasur një rol të spikatur për sa i përket kontributeve në Juventus këtë sezon. Pavarësisht se ka luajtur 27 ndeshje në Serie A, 5 në Champions League dhe 2 në Coppa Italia, rekordet e tij nuk kanë qenë më të mirat. 

Në ligën italiane ai ka shënuar vetëm një gol dhe ka dhënë tre asistime, në sezonin në të cilin Juve u nënshtrua nga Milani dhe Interi. Në Champions League, italiani ka kontribuar vetëm me 3 asistime dhe në Kupë, ka kontribuar vetëm me një gol.

Kështu Bernardeschi bashkohet me Lorenzo Insigne, një tjetër bashkatdhetar dhe shok ekipi skuadre me të cilin fitoi Kampionatin Europian verën e kaluar me Italinë, ndërsa tani në dëshirën e tij për të jetuar ëndrrën amerikane.

B.T (Dosja.al)

Sondazh

Poll

MË SHUMË