Sport

Shfaqet një tjetër emër luksi te Monza, braziliani Marcelo 'propozon' veten

I vakët interesimi i klubit të Berlusconit ndaj ish-mbrojtësit legjendar të Real Madridit

16 Korrik 2022, 10:28 Nga DOSJA
Shfaqet një tjetër emër luksi te Monza, braziliani Marcelo

ITALI - Monza e Berlusconit dhe Gallianit vazhdon të përflitet në një nga merkatot më të nxehta ndonjëherë për një ekip të sapo promovuar. Lista e blerjeve vazhdon të rritet dita ditës: përveç ‘artikujve’ si Dybala, Icardi, Suarez, Dzeko dhe Cavani, në orët e fundit klubi i Monzës është lidhur me emrin e Marcelos. Sipas ‘AS’, menaxherët e brazilianit kanë kontaktuar me drejtuesit e klubit italian për të hetuar fizibilitetin e angazhimit të tij. Klubi bardhekuq i Monzës, për momentin ka vendosur të heshtë.

Për momentin, thashethemet mahnitëse për emrat e sulmuesve me shumë yje nuk kanë zënë rrënjë: Galliani ka preferuar të jetë konkret, duke siguruar tashmë firmat e Pessinas, Sensit, Ranocchias dhe Cragnos. Ka ende kohë për zhurmën marramendëse, fillimisht duhet të ngremë themelet e një ekipi të denjë për vendin e 10-të, të vendosur nga vetë Galliani si objektiv sezonal.

Ardhja e Marcelos padyshim që do të shqetësonte horizontin e tregut italian: braziliani do të sillte me vete një origjinë yjore, falë pesë fitoreve të tij në Champions League dhe gjashtë kampionateve spanjolë me fanelën ‘los blancos’. Në moshën 34-vjeçare, Marcelo ende mund të ofrojë performancë të nivelit të lartë. Padyshim që ish-Reali duhet të përqafojë totalisht ‘projektin lombard’, duke pranuar një ulje drastike rroge. Gjithsesi Monza do të kishte një dritare të mirë për të provuar gjendjen reale të mbrojtësit të majtë.

B.T (Dosja.al)

Sondazh

Poll

MË SHUMË