Aktualitet

Alarm në SPAK! Merren në hetim 20 persona, dyshohen si anëtarë të organizatës terroriste iraniane

Të dhënat më të fundit lënë të kuptohet se ata janë kthyer në "ushtarë" të Organizatës Terroriste të Gardës Revolucionare të Iranit dhe shërbimeve sekrete atje.

15 Korrik 2022, 11:43 Nga k.m.
Alarm në SPAK! Merren në hetim 20 persona, dyshohen si
Foto nga kampi në Manëz

TIRANË- 20 persona që aktualisht jetojnë në Shqipëri janë nën hetim nga Struktura e Posaçme kundër Korrupsionit dhe Krimit të Organizuar pasi dyshohet se janë pjesë e një celule terroriste. Bëhet fjalë për ish-anëtarë të organizatës së muxhahedinëve iranianë, të cilët janë shkëputur nga kjo organizatë dhe tani mendohet se kryejnë aktivitet tjetër në Tiranë.

Të dhënat më të fundit lënë të kuptohet se ata janë kthyer në "ushtarë" të Organizatës Terroriste të Gardës Revolucionare të Iranit dhe shërbimeve sekrete atje. Me nisjen e hetimeve, prokurori i SPAK, Vladimir Mara ka kërkuar një urdhër nga Gjykata e Posaçme, më konkretisht Etleva Deda për të ushtruar kontrolle në zyrat e një shoqate të drejtuar nga një ish-anëtar i MEK, i quajtur Hassan HEYRANI, dhe në 11 apartamente të shpërndara në Tiranë që janë përdorim të këtyre shtetasve iranianë, dhe në dy makina të po këtyre personave.

Kontrollet janë kryer të mërkurën e 14 korrikut nga një axhendë e Byrosë Kombëtare të Hetimit dhe agjentëve të antiterrorit; ndërsa disa prej tyre janë marrë në pyetje dhe më pas janë lënë të lirë po të njëjtën ditë. Të 20 "të shënjestruarit" e MEK dyshohet se paguhen nga ana e shërbimeve sekrete iraniane dhe Garda Revolucionare Iraniane, për marrjen e informacioneve mbi dhe kryerjen e veprimeve kundër muxhahedinëve që jetojnë në Manëz.

 

spak manez spiunet e mek

Sondazh

Poll

MË SHUMË