Politike

Baçi i përgjigjet akuzave të Braçes: Skenar i PS, lojëra me Krifcën! Qeveria falimentoi fermerët

Luan Baçi deklaroi se Braçe kërkon të tërheqë vëmendjen nga e vërteta, që qeveria po falimenton të gjithë fermerët dhe eksportuesit, ndërsa theksoi se kemi një diversion që kërkon të bëjë PS-ja me deputetin e saj.

14 Korrik 2022, 18:41 Nga k.m.

 

Baçi i përgjigjet akuzave të Braçes: Skenar i PS,
Erion Braçe dhe Luan Baçi

 

TIRANË- Deputeti i Partisë Demokratike, Luan Baçi, i ftuar në edicionin e pasdites me Armela Ferkon në Syri Tv, iu përgjigj akuzave të Erion Braçes. Demokrati tha se Braçe bën propagandë dhe po mashtron fermerët ndërsa shton se kemi të bëjmë me një lojë mes tij dhe ministres Krifca.

Baçi deklaroi se gjendja e fermerëve shqiptarë është katastrofike dhe në prag falimenti ndërsa theksoi se Braçe bën sikur iu del në mbrojtje atyre. Sa i përket fotos së Baçit me disa grumbullues, që Braçe e publikoi sot në Kuvend, deputeti i PD tha se ka bërë një takim me eksportues e fermerë të zonës së Divjakës.

Ndër të tjera, Baçi deklaroi se Braçe kërkon të tërheqë vëmendjen nga e vërteta, që qeveria po falimenton të gjithë fermerët dhe eksportuesit, ndërsa theksoi se kemi një diversion që kërkon të bëjë PS-ja me deputetin e saj.

"Çdo gjë e ka të mirëkordinuar me ministren e Bujqësisë, nuk është sulm, por e mirëkoordinuar. Duke parë që gjendja e fermerëve shqiptarë dhe Myzeqeja është në prag të falimentit, gjendje katastrofike, prodhimi i tyre po mbetet në fushë, kostoja shumë e lartë, para këtij faktit ka ndarë rolet ministrja me deputetin Braçe. Braçe bën sikur iu del në mbrojtje fermerëve ndërsa ministrja i qëndron strikt asaj që quhet respektim i tregut, kërkesë-ofertës dhe duke mos iu rënë në qafë sipas asaj dhe eksportuesve e eksportuesve që Braçe i sulmon ashpër dhe fuqishëm. Ka disa kohë që i sulmon ata që quhen grumbullues, eksportues të produkteve bujqësore dhe blegtorale të fermerëve për t’i shitur jashtë. Lojë midis tyre që të bëjnë punën e vet, një palë e mbron ministrja, një palë e mbron ministrja. Fotoja është e vërtetë, Braçe e ka marrë shpejt me të vetët me takimet që unë bëj.

Më mbrapa aty kanë qenë 15 veta, edhe fermerë midis grumbulluesve për të shpjeguar problematikën që ata kanë dhe ankesa për diversionin që bën Braçe, duke kërkuar të hedhë fajin për uljen e çmimit të shalqinit duke gjetur armikun e brendshëm, duke shpallur kulakët e rinj, eksportuesit dhe grumbulluesit, dhe se janë këta e keqja e madhe që çmimi i shalqinit është i ulët, dhe këta e marrin me çmim të ulët dhe e shesin me çmim të shtrenjtë. Braçe kërkon të tërheqë vëmendjen nga e vërteta, që qeveria po falimenton të gjithë fermerët dhe eksportuesit. Ne po bisedonim për problemet e fermerëve dhe eksportuesve. Diversion që bën PS nëpërmjet Braçes, nuk është iniciativë e Braçes, por skenar i përgatitur nga qeveria e PS, ministrja Krifca me Braçen se si do justifikojmë këtë faliment, rritje kostosh, dhe si të gjejmë shpjegimin,”-tha Baçi.

luan baçi erion veliaj

Sondazh

Poll

MË SHUMË