Bota

"Parullat kundër saj në Shkup", Bullgaria i dërgon notë proteste Maqedonisë së Veriut

Në notën e protestës shprehen shqetësimet e thella për atë që po ndodh, që është edhe një përgjigje ndaj narrativës së përhapur antievropiane kundër vendosjes së marrëdhënieve të fqinjësisë së mirë mes dy vendeve.

12 Korrik 2022, 13:54 Nga d.a.
"Parullat kundër saj në Shkup", Bullgaria i dërgon
Foto ilustruese

BULLGARI- Ministria e Punëve të Jashtme e Bullgarisë i ka dërguar një notë proteste Ministrisë së Punëve të Jashtme të Republikës së Maqedonisë së Veriut në lidhje me “manifestimet dhe parullat e shumta të drejtuara kundër Bullgarisë” në hapësirat publike të vendit, njoftojnë nga Ministria e Punëve të Jashtme bullgare.

Në notën e protestës shprehen shqetësimet e thella për atë që po ndodh, që është edhe një përgjigje ndaj narrativës së përhapur antievropiane kundër vendosjes së marrëdhënieve të fqinjësisë së mirë mes dy vendeve.

“Është veçanërisht shqetësuese që aktet dashakeqe në hapësirat publike po përshkallëzohen në një kohë kur Sofja dhe Shkupi po kërkojnë në mënyrë aktive një mënyrë për dialog konstruktiv dhe gjetjen e zgjidhjeve të qëndrueshme reciprokisht të pranueshme në interes të integrimit evropian të Republikës së Maqedonisë së Veriut dhe Rajon. Besojmë se akte të tilla do të bëhen pjesë e së kaluarës dhe dy vendet tona do të arrijnë të hapin një faqe të re në marrëdhënie, të bazuar në respektin e ndërsjellë dhe miqësinë e sinqertë”, -thuhet në deklaratën e  Ministrisë së Punëve të Jashtme të Bullgarisë.

Më 30 qershor, qeveria e Maqedonisë së Veriut pranoi një propozim të modifikuar nga presidenca franceze, pas së cilës filloi një proces konsultimi, fillimisht me qeverinë dhe partnerët e koalicionit, e më pas me presidentin, parlamentin, opozitën, si dhe me sektorin civil. Kryeministri i Maqedonisë së Veriut, Dimitar Kovaçevski, deklaroi se propozimi i modifikuar përfshin vërejtjet dhe qëndrimet e konstruktuara qartë të palës maqedonase, parasheh një pranim të qartë dhe pa mëdyshje të gjuhës maqedonase, si dhe atë që protokolli me Bullgarinë të mos jetë pjesë e kornizës negociuese.Presidenti francez, Emmanuel Macron, presidenca e të cilit hartoi propozimin, beson se me propozimin është gjetur një zgjidhje kompromisi për të dyja palët.Propozimi francez është një dokument që duhet të çojë në heqjen e vetos 2-vjeçare të Bullgarisë për integrimin e Maqedonisë së Veriut në BE.

marredheniet bullgari-maqedoni

Sondazh

Poll

MË SHUMË