Bota

Protesta të dhunshme në Panama, "dorëzohet" presidenti: Do të ngrijmë çmimin e karburanteve

Ai tha çmimi i benzinës për automjetet private do të ulet në 3,95 dollarë për gallon nga 15 korriku, një rënie prej 24 për qind nga çmimi në fund të qershorit. Transporti publik ka përfituar tashmë nga çmimi më i ulët që prej muajit maj.

12 Korrik 2022, 13:31 Nga d.a.
Protesta të dhunshme në Panama, "dorëzohet" presidenti:
protesta ne Panama

PANAMA- Presidenti i Panamasë njoftoi një ulje të çmimeve të benzinës dhe ngrirje të tarifave për disa produkte të tjera thelbësore të hënën, përballë protestave të vazhdueshme kundër inflacionit dhe korrupsionit.

“Unë e kuptoj pakënaqësinë e sektorëve të ndryshëm me situatën që po përjetojmë, të shkaktuar nga efektet e pandemisë dhe pasojat e konfliktit në Ukrainë”, tha Laurentino Cortizo në një deklaratë.

Sipas France24, ai tha çmimi i benzinës për automjetet private do të ulet në 3,95 dollarë për gallon nga 15 korriku, një rënie prej 24 për qind nga çmimi në fund të qershorit. Transporti publik ka përfituar tashmë nga çmimi më i ulët që prej muajit maj.

Të hënën, qindra protestuan në Panama në javën e dytë të demonstratave kundër rritjes së çmimeve të karburantit, të cilat janë rritur 47 për qind që nga janari.

Cortizo njoftoi gjithashtu se qeveria e tij do të hartonte një dekret për të ngrirë çmimet e një duzinë produktesh ushqimore thelbësore. Megjithatë, disa sindikata thonë se protestat do të vazhdojnë derisa të ketë një ulje të përgjithshme të çmimeve dhe tarifat e benzinës të bien nën 3 dollarë për gallon.

Në provincat perëndimore të Veraguas dhe Chiriqui, pranë kufirit me Kosta Rikën, protestuesit bllokuan autostradën ndër-amerikane, e cila lidh vendin me pjesën tjetër të Amerikës Qendrore. Në qytetin e Panamasë, një grup studentësh u përleshën me policinë rreth Universitetit të Panamasë, ku një grup personash kapën përkohësisht një makinë patrullimi dhe thyen xhamat e saj.

"Inflacioni do të thotë që gjithnjë e më pak njerëz mund të jetojnë me dinjitet," tha Saul Mendez, sekretari i përgjithshëm i sindikatës kryesore të ndërtimit të vendit.

Sipas Mendez, që qytetarët të rifitojnë fuqinë blerëse, duhet të ulen ose ngrihen çmimet e ilaçeve, ushqimeve, energjisë elektrike dhe karburanteve, krahas rritjes së përgjithshme të pagave. Qeveria panameze ngriti një tryezë të rrumbullakët të hënën në qytetin e Santiago de Veraguas, një nga vatrat e protestës, por nuk u arrit asnjë marrëveshje.

laurentino cortizo protesta ne panama saul mendez

Sondazh

Poll

MË SHUMË