Politike

Deklarata e përbashkët! Borrell & Blinken: Shqipëria dhe RMV janë gati për anëtarësim në BE

Ata shprehen se BE dhe SHBA janë të përkushtuara për bashkëpunim më të ngushtë në Ballkanin Perëndimor pasi për dy zyrtarët e lartë sigurimi i stabilitetit dhe properitetit i së ardhmes së tyre Europiane është dhe mbetet një qëllim i përbashkët i SHBA-ve dhe BE-së.

9 Korrik 2022, 13:50 Nga e.k
Deklarata e përbashkët! Borrell & Blinken: Shqipëria dhe RMV
Anthony Blinken dhe Joseph Borrell

BRUKSEL- Sekretari Amerikan i Shtetit, Anthony Blinken dhe shefi i diplomacisë Europiane, Joseph Borrell kanë dalë në një qëndrim të përbashkët sa i përket anëtarësimit të Shqipërisë dhe Maqedonisë së Veriut në Bashkimin Europian. Në deklaratën e përbashkët të bërë publike në faqen e Shërbimit të Jashtëm të Komisionit Europian, ata shprehen se të dy vendet i kanë përmbushur kushtet dhe se janë gati  të ndërmarrin hapin tjetër drejt anëtarësimit në BE.

"Të udhëhequr nga vlerat e përbashkëta dhe standardet dhe standardet e BE-së, të dy vendet janë gati të ndërmarrin hapin tjetër drejt anëtarësimit në BE. Ne mirëpresim një propozim kompromisi që merr parasysh interesat dhe shqetësimet e Maqedonisë së Veriut dhe Bullgarisë bazuar në respektin, besimin dhe mirëkuptimin reciprok", thuhet në deklaratë.

Ata shprehen se BE dhe SHBA janë të përkushtuara për bashkëpunim më të ngushtë në Ballkanin Perëndimor pasi për dy zyrtarët e lartë sigurimi i stabilitetit dhe properitetit i së ardhmes së tyre Europiane është dhe mbetet një qëllim i përbashkët i SHBA-ve dhe BE-së.

DEKLARATA E PLOTË:

Në këtë moment kritik të historisë evropiane, të shënuar nga agresioni i pajustifikueshëm i kryer nga Rusia kundër Ukrainës, avancimi i rrugës së Shqipërisë dhe Maqedonisë së Veriut në BE është çelësi për forcimin e kohezionit dhe qëndrueshmërisë së të gjithë kontinentit evropian. Të udhëhequr nga vlerat e përbashkëta dhe standardet dhe standardet e BE-së, të dy vendet janë gati të ndërmarrin hapin tjetër drejt anëtarësimit në BE. Ne mirëpresim një propozim kompromisi që merr parasysh interesat dhe shqetësimet e Maqedonisë së Veriut dhe Bullgarisë bazuar në respektin, besimin dhe mirëkuptimin reciprok.

Vendimi sovran i Kuvendit të Maqedonisë së Veriut do të jetë i rëndësishëm për të ecur përpara. Kjo frymë e kompromisit konstruktiv mbi të cilin është ndërtuar integrimi evropian duhet të vazhdojë të frymëzojë të gjithë ata që janë përfshirë në këtë proces historik. Bashkimi Evropian dhe Shtetet e Bashkuara janë të përkushtuara për bashkëpunim më të ngushtë në Ballkanin Perëndimor. Sigurimi i stabilitetit dhe prosperitetit dhe realizimi i së ardhmes së tyre evropiane dhe euroatlantike mbetet qëllimi ynë i përbashkët.

Negociatat për anëtarësimin e Shqipërisë dhe Maqedonisë së Veriut kanë ngecur pasi Bullgaria ka vendosur veton ndaj Maqedonisë së Veriut për shkak të konflikteve të vjetra historike që lidhen me minoritetet mes dy vendeve. Propozimi francez i cili pritet të votohet në parlementin maqedonas pavarsisht kundërshtive të opozitës duket se më në fund do i japë zgjidhjeje një çështjeje që nuk mban vetëm Maqedoninë e Veriut të bllokuar por dhe Shqipërinë.

shba be anthony blinken joseph borrell

Sondazh

Poll

MË SHUMË