Bota

FOTO/ Ky është atentatori që qëlloi për vdekje ish-kryeministrin japonez

Autori kishte shërbyer në ushtrinë japoneze dhe është një ish-anëtar i Forcave Detare të Vetëmbrojtjes së Japonisë, ekuivalenti i marinës së vendit.

8 Korrik 2022, 11:47 Nga A.B

 

FOTO/ Ky është atentatori që qëlloi për vdekje
Tetsuya Yamagami

JAPONI- Ish-kryeministri japonez, Shinzo Abe u qëllua me armë zjarri nga një 41-vjeçar, i identifikuar si Tetsuya Yamagami. Sipas policisë lokale, Yamagami është banor i Narës, në vendin ku ndodhi ngjarja. Autori kishte shërbyer në ushtrinë japoneze dhe është një ish-anëtar i Forcave Detare të Vetëmbrojtjes së Japonisë, ekuivalenti i marinës së vendit.

Yamagami qëlloi me një armë që sipas mediave të huaja ishte e krijuar nga vetë ai. Policia bëri të mundur ndalimin e menjëhershëm të tij, në vendin e ngjarjes. Për çudi, autori nuk bëri rezistencë. Ai ka deklaruar para policisë se ishte i pakënaqur nga Abe e se kishte për qëllim që ta vriste.

Ish-kryeministri i Japonisë Shinzo Abe vdiq pas disa orësh në spital, pasi nuk përballoi dot plagët e marra.

atentat ish-kryeministrit japonez tetsuya yamagami

Sondazh

Poll