Bota

U qëllua me armë kur po mbante fjalimin, çfarë dihet deri më tani për gjendjen e Ish-liderit japonez

Autori është vënë në pranga mirëpo mister mbetet arsyeja se përse u bë atentat. 

8 Korrik 2022, 08:59 Nga A.B

U qëllua me armë kur po mbante fjalimin, çfarë dihet deri

JAPONI- Ish-kryeministri Shinzo Abe ndodhet në gjendje kritike për jetën, pas atentatit që iu bë teksa po mbante një fjalim në fushatën zgjedhore. Autori është vënë në pranga mirëpo mister mbetet arsyeja se përse u bë atentat. 

Ja çfarë dihet deri më tani:

Të shtënat: Abe u qëllua rreth orës 11:30 të mëngjesit me orën lokale në Nara, në lindje të Osakës, teksa mbante një fjalim të fushatës zgjedhore në rrugë. Dy të shtëna janë dëgjuar gjatë transmetimit publik. Abe mori një plagë me armë zjarri në anën e djathtë të qafës, sipas Agjencisë së Menaxhimit të Zjarrit dhe Fatkeqësive të Ministrisë së Punëve të Brendshme dhe Komunikimeve në Tokio. Ai u dërgua në spital fillimisht me ambulancë, më pas me helikopter mjekësor.

I dyshuari: Policia ka arrestuar Tetsuya Yamagami, një banor i Narës në të 40-at. NHK raportoi se burri nuk u përpoq të ikte, dhe po mbahet për t'u marrë në pyetje në komisariatin e policisë Nara Nishi. Ai duket se ka përdorur një armë të punuar me dorë. Mediat japoneze kanë raportuar se i dyshuari për të shtënat ka qenë anëtar i forcës vetëmbrojtëse detare për rreth tre vjet, deri rreth vitit 2005.

Gjendja e Abe: Ish-udhëheqësi tani është në gjendje kritike, duke iu nënshtruar trajtimit urgjent nga mjekët që luftojnë për të shpëtuar jetën e tij, tha kryeministri Fumio Kishida në një konferencë shtypi. Abe ishte në një gjendje arresti kardiopulmonar pasi u rrëzua, sipas një zyrtari nga Departamenti i Zjarrfikësve të qytetit Nara. Ai ishte i vetëdijshëm dhe i përgjegjshëm ndërsa po dërgohej në spital.

Mesazhet nga liderët botërorë, kanë shprehur dënimin për të shtënat dhe kanë shprehur keqardhje për atë që i ndodhu Abe. Sekretari amerikan i shtetit, kryeministri australian, disa ish-kryeministra australianë, kryeministri indian, kryeministri britanik dhe presidenti i Tajvanit janë ndër ata që i kanë dërguar mesazhe Abe.

 

 

atentat ish-kryeministrit japonez

Sondazh

Poll

MË SHUMË