Bota

Tragjedi rrugore në Egjipt, autobusi përplaset me kamionin, 8 të vdekur dhe 44 të plagosur

Sipas mediave të huaja përplasja ndodhi herët në mëngjes kur një autobus pasagjerësh u përplas me një kamion, në një autostradë që lidh Aësan me Abu Simbel, selia e tempujve të lashtë të Ramses II, tha MENA.

8 Korrik 2022, 10:11 Nga e.k
Tragjedi rrugore në Egjipt, autobusi përplaset me kamionin, 8 të
Pamje nga aksidenti

EGJIPT- Tetë persona vdiqën dhe 44 u plagosën në një aksident automobilistik të enjten pranë provincës jugore të Egjiptit të Asëan, njoftoi agjencia shtetërore e lajmeve. Sipas mediave të huaja përplasja ndodhi herët në mëngjes kur një autobus pasagjerësh u përplas me një kamion, në një autostradë që lidh Aësan me Abu Simbel, selia e tempujve të lashtë të Ramses II, tha MENA.

Ekipet e emergjencave mbërriten në vendngjarje për të transportuar trupat e viktimave në morgun e Asëanit dhe për të transferuar të plagosurit në spitalin kryesor të provincës, shton raporti.

Aksidentet vdekjeprurëse të trafikut marrin mijëra jetë çdo vit në Egjipt, i cili ka standarde të dobëta të sigurisë rrugore. Përplasjet shkaktohen kryesisht nga shpejtësia, rrugët e këqija ose zbatimi i dobët i rregullave të trafikut. Në janar, të paktën 16 persona u vranë dhe 18 të tjerë u plagosën kur një mikrobus u përplas me një autobus të transportit publik në Gadishullin Sinai të Egjiptit.

Agjencia zyrtare e statistikave e Egjiptit thotë se ka pasur rreth 10,000 aksidente rrugore në vitin 2019, viti më i fundit për të cilin ekzistojnë statistika, duke lënë mbi 3,480 të vdekur. Në vitin 2018, ka pasur 8,480 aksidente automobilistike, duke shkaktuar mbi 3,080 vdekje

 

 

egjipt

Sondazh

Poll

MË SHUMË