Sport

Barcelona, Xavit i largohet buzëqeshja! Klubi zyrtarizon Kessie dhe Christensen, por nuk mund t’i regjistrojë

Nga blerjet jozyrtare te blerjet zyrtare. Barcelona, ​​pas disa javësh, më në fund njoftoi ardhjen e Franck Kessie dhe Andreas Christensen, por odiseja e tyre sigurisht nuk përfundon me kaq.

6 Korrik 2022, 17:26 Nga DOSJA
Barcelona, Xavit i largohet buzëqeshja! Klubi zyrtarizon Kessie dhe
Barcelona

SPANJË-Nga blerjet jozyrtare te blerjet zyrtare. Barcelona, ​​pas disa javësh, më në fund njoftoi ardhjen e Franck Kessie dhe Andreas Christensen, por odiseja e tyre sigurisht nuk përfundon me kaq. Klubi, në fakt, ende nuk mund t'i regjistrojë ato. Problemet financiare të Barçës janë të njohura, pasi dihet se çdo vit klubi përpiqet me dëshpërim të ulë kufirin e pagave për të qenë brenda parametrave të La Ligës dhe të mos sanksionohet.

Të hënën, klubi njoftoi firmat me Kessie dhe Christensen, të cilët i janë bashkuar klubit katalanas me parametra zero. Lajm i shkëlqyeshëm për Xavin, por është për të ardhur keq që ka edhe një lajm të keq. Klubi, në fakt, siç raporton Cope, nuk ka mundësi të bëjë regjistrimin e dy lojtarëve, pasi është ende mbi kufirin e pagave.

Barcelona, ​​pasi i ka shitur një pjesë të të drejtave televizive një kompanie të jashtme, së fundmi ka marrë një fond prej mbi 200 milionë euro, por këto nuk mund të përdoren për lojtarë të rinj. Ato do të përdoren për të balancuar llogaritë e sezonit të kaluar.

Klubi balancoi disi bilancet falë lamtumirës së Philippe Coutinhos dhe Dani Alves. Aktualisht kontrata e Ousmane Dembeles ka skaduar, por ai mund të rinovojë. Shitja e Frenkie de Jong sigurisht që do të ndihmonte dhe klubi, sipas zërave, është i gatshëm të sakrifikojë mesfushorin për t’ia dalë mbanë. Trajneri i ri i Manchester United, ten Hag, po përpiqet të bindë holandezin të kalojë në Premier League, por negociatat janë ende të hapura.

E.Ç (Dosja.al)

barcelona kessie

Sondazh

Poll

MË SHUMË