Aktualitet

Digjet imazheria në Spitalin e Fierit, asnjë i lënduar, mjeku: Mori flakë lavatriçja e larjes së filmave

Dosja.al arriti të siguronte pamje nga brenda dhomës së imazherisë ku gjithçka dukej e shkrumbuar nga flakët që kishin lënë pas vetëm një hije të zezë tymi dhe pluhuri si për të na kujtuar se kjo ngjarje mund të kthehej në tragjedi.

6 Korrik 2022, 16:24 Nga e.k

Digjet imazheria në Spitalin e Fierit, asnjë i lënduar, mjeku:
Pamjet brenda dhomës së imazherisë

FIER-  Një zjarr përfshiu paraditen e sotme katin e parë të Spitalit të Fierit ku fatmirësisht nuk pati të lënduar pasi nuk kishte pacientë në dhomën ku ra zjarri. Zjarri ra rreth orës 10:00 të ditës së sotme në dhomën e imazherisë që për fatin e mirë nuk kishte personal mjekësor brenda. Menjëherë pas rënies së flakëve 2 pacientë u evakuuan në Spitalin Memorial.

Në vendngjarja mbërritën menjëherë ekipet e zjarrëfikësve të cilët punuan që zjarri të mos përhapej në dhomat e tjera të spitalit duke shkaktuar kështu një tragjedi. Sipas hetimeve të para nga ana e policsë dyshohet se shkak të jetë bërë një defekt teknik në një nga aparaturat e repartit.

Dosja.al arriti të siguronte pamje nga brenda dhomës së imazherisë ku gjithçka dukej e shkrumbuar nga flakët që kishin lënë pas vetëm një hije të zezë tymi dhe pluhuri si për të na kujtuar se kjo ngjarje mund të kthehej në tragjedi.

Për ngjarjen foli dhe mjeku imazherist Aristotel Kusta ku tregoi se fillimisht kishte bërë një masë lavatriçja e larjes së filmave dhe më pas është përfshirë nga flakët i gjithë laboratori. Ai tha se të gjitha pajisjet kanë dalë jashtë funksionit.

“Ajo që ka marrë flakë është lavatriçja e larjes së filmave. Ka bërë masë dhe aty ka filluar flaka. Më pas ka marrë zjarr gjithë laboratori. Nuk e di për kosto, s’mund të flas, mori flakë rreth orës 10:00. Nuk kishte njerëz, është laboratori që nuk ka lidhje me pacientët. Bëri masë dhe doli flakë, aty kishte dhe dollapë, rafte të larjes së filmave. Janë dëmtuar materialet. Nga masa elektrike mendoj. Të gjitha pajisjet kanë dalë jashtë funksionimit”, tha mjeku.

Ndërsa nën drejtori i Spitalit Ramadan Çepele tha se kjo gjë nuk do të ndërpresë punën që pacientët të marrin shërbim pasi puna do kryhej në pjesën tjetër të Urgjencës.

“Për 1 orë fillojmë punën në pjesën tjetër të Urgjencës, mendojmë që nuk të ketë qenë një shkëndijë elektrike, kjo nuk do i pengojë pacientët që të marrin shërbim, kemi bërë evokim të 2 pacientëve të spitali ‘Memorial”, tha Çepele.

Kati i parë i spitalit të Fierit u përfshi nga flakët paraditën e sotme duke shkaktuar panik tek pacientët dhe mjekët e spitalit të cilët për arsye sigurie u evakuuan nga zjarrëfiksit. Fatmirësisht nga zjarri nuk kishte të lënduar ndërkohë që mësohet se zjarri ka rënë në dhomën e laboratorit ku ndodhet dhe lavatriçja e larjes së filmave. Policia po punon për zbardhjen e plotë të rrethanave që çuan në rënien e flakëve të cilat mund të kishin rezultuar dhe fatale.



fier zjarr ne spitalin e fierit aristotel kusta ramadan çepele policia e fierit

Sondazh

Poll

MË SHUMË