Sport

Bombë në Madrid! Reali i koshit nuk do të drejtohet më nga legjenda Pablo Laso…

Real Madridi nuk do të ketë më trajnerin, që ka arritur në një nga periudhat më të shkëlqyera në historinë e basketbollit madrilen. Chus Mateo do të marrë drejtimin e skuadrës.

4 Korrik 2022, 15:11 Nga DOSJA

Bombë në Madrid! Reali i koshit nuk do të drejtohet më nga

SPANJE - Real Madridi ka njoftuar se trajneri Pablo Laso, të cilit i kishte mbetur edhe një sezon në kontratë, se nuk do të vazhdojë në sezonin e ardhshëm. Një vendim befasues i orës së fundit dhe që trondit themelet e basketbollit madrilen. 

Klubi nuk do të ketë më trajnerin, i cili erdhi në krye të skuadrës ‘los blancos’ në vitin 2011 dhe ka fituar 22 tituj, përfshirë Euroligën e 2015 dhe 2018, duke udhëhequr një nga fazat më të shkëlqyera në historinë e basketbollit madrilen. 

Laso është tashmë histori e klubit. Trajneri i ri do të jetë Chus Mateo, i cili do të udhëheqë skuadrën pas rikthimit nga pushimet dhe që e drejtoi skuadrën madrilene në finalen e Endesa League për shkak të problemeve mjekësore të Lasos.

Trajneri Pablo Laso nga Vitoria pësoi një atak të zemrës më 5 qershor, që e detyroi t'i nënshtrohej një kateterizimi. Dy ditë më vonë ai u largua nga spitali dhe u kthye në stërvitje pak më vonë, edhe pse ai nuk drejtoi atë në asnjë nga ndeshjet deri në fund të sezonit. 

Ka qenë ndihmësi i tij, Chus Mateo, ai që ka marrë drejtimin e skuadrës në mungesë dhe që klubi ka kërkuar që ai të startojë sezonin e ardhshëm, ndërsa dyshimet për shëndetin e Laso janë zgjidhur.

Këtë të hënë gjithçka është zyrtarizuar dhe Laso tashmë e di që nuk do të vazhdojë, gjë që nuk do të ndodhte në raste të tjera, si pas finales së Endesa League në 2014 kur trajneri u largua nga Palau me karrocë pasi këputi tendinin e Akilit, ose në këtë sezonin e fundit si pasojë e krizës së rezultateve.

Bombë në Madrid! Reali i koshit nuk do të drejtohet më nga

B.T (Dosja.al)

 

Sondazh

Poll

MË SHUMË