Politike

VD-Berisha: Rama dëshiron t'i marrë mandatin Salianjit, delinkuenti Geron Xhafa vijon trafikun e drogës nga Porti i Vlorës

Berisha tha se e vetmja gjë që ka bërë Salianji është detyra e tij duke denoncuar mosdorëzimin para drejtësisë të vëllait të ish-Ministrit të Brendshëm Fatmir Xhafaj, Geron alias Agron Xhafaj.

4 Korrik 2022, 11:13 Nga F.M
VD-Berisha: Rama dëshiron t'i marrë mandatin Salianjit,
Sali Berisha

TIRANË- Kryedemokrati Sali Berisha ka denoncuar kryeministrin Edi Rama dhe deputetin Fatmir Xhafaj, që sipas tij në bashkëpunim me njëri-tjetrin po kërkojnë që t'i marrin mandatin demokratit Ervin Salianji. Në një konferencë për mediat, Berisha tha se e vetmja gjë që ka bërë Salianji është detyra e tij duke denoncuar mosdorëzimin para drejtësisë të vëllait të ish-Ministrit të Brendshëm Fatmir Xhafaj, Geron alias Agron Xhafaj. Berisha tha se pavarësisht denoncimit, Gerin Xhafaj ka vijuar trafikimin e lëndëve narkotike përmes Portit të Vlorës. 

"Procesi ndaj deputeti Ervin Salianji me të cilin Edi Rama degdisi Xhafën, duan t'i marrin atij mandatin. Kjo përbën një triumf të plotë të mafias shqiptare. Ervin Salianji si deputet në betejën e tij, që duhet ta bëjë çdo deputet, denoncoi Geron apo Agron Xhafën, një i kërkuar nga drejtësia italiane sepse ishte i dënuar me shtatë vite burg si drejtues i një grupi në Bolonjë për trafikun e drogërave të fortë. Kërkohej nga Venezuela. Mbrohej nga Edi Rama dhe vëllai i tij Fatmir Xhafa. Ky delinkuent vazhdon të bëjë punën e tij nga porti i Vlorës, me mbrojtje totale të pushtetit,"- tha Berisha. 

Ditën e sotme në orën 14:00, pritet që të zhvillohet seanca gjyqësore ndaj deputetit të Partisë Demokratike Ervin Salianji dhe gazetarit Jetmir Olldashi në Gjykatën e Apelit në Tiranë. Bëhet fjalë për dosjen “Babale”, që është rikthyer në Apel pas tre vitesh. Salianji është dënuar nga Gjykata e Tiranës me 1 vit burg, por këtë dënim ai dhe Kryesia e Partisë Demokratike e konsiderojnë politik. Apeli do të vendosë nëse do të lërë në fuqi vendimin e shkallës së parë, do ta shpallë të pafajshëm apo do të japë një tjetër vendim alternativ.

dosja babale fatmir xhafaj sali berisha ervin salianji

Sondazh

Poll

MË SHUMË