Aktualitet

DETAJE/ Nëndrejtorit Palla iu vu armë në kokë pas vrasjes së Xhuvanit, heshti para autoriteteve

Katër ditë para zgjedhjeve të 25 prillit 2021, në momentin kur ndodhi përplasja me armë, i kanë vënë fillimisht pistoletën në kokë nëndrejtorit të Policisë së Elbasanit për Rendin, Nikollaq Palla.

27 Qershor 2022, 23:36 Nga F.M
DETAJE/ Nëndrejtorit Palla iu vu armë në kokë pas vrasjes
Nikollaq Palla

ELBASAN- Nëndrejtorit të policisë Nikollaq Palla i është vënë arma në kokë pas vrasjes së Pjerin Xhuvanit, krimi i ndodhur më 21 prill të vitit të kaluar, ky fakt është zbuluar sot, në ditën që Palla u arrestua dhe u vu në masën e sigurisë “arrest shtëpie”. Katër ditë para zgjedhjeve të 25 prillit 2021, në momentin kur ndodhi përplasja me armë, i kanë vënë fillimisht pistoletën në kokë nëndrejtorit të Policisë së Elbasanit për Rendin, Nikollaq Palla.

Këtë veprim e kanë parë të gjithë policët që ishin prezent në ngjarje dhe asnjëri prej tyre nuk ka reaguar. Në dëshminë e tij Nikollaq Palla nuk e ka treguar këtë fakt dhe ndaj akuzohet për deklarim të rremë dhe shpërdorim detyre.

Bashkë me Pallën në arrest shtëpie ndodhet edhe nëndrejtori tjetër i Policisë, Albert Nushi. Ndërsa gjashtë efektivë të tjerë të forcave “Shqiponja”, janë pezulluar nga detyra. Ata janë Dedjon Duraku, Pëllumb Bicaku, Erjon Balla, Erjon Meçja dhe Besmir Kadiu.

nikollaq palla albert nushi pjerin xhuvani vrasja e pjerin xhuvanit

Sondazh

Poll

MË SHUMË