Aktualitet

“Vaj, asparagus e sheqer”, Hoxha: Droga futet më kollaj në Portin e Durrësit se në Evropë, i kemi policët e lirë

Hoxha tha se krimi e kontrollon portin dhe se mënyra si po futet kokaina nuk është më në formë pluhur, por asparagus, vaj palme dhe sheqer.

27 Qershor 2022, 22:45 Nga F.M
“Vaj, asparagus e sheqer”, Hoxha: Droga futet më kollaj në
Artan Hoxha

TIRANË- Gazetari Artan Hoxha ka deklaruar se trafiku i kokainës bëhet përmes portit të Durrësit pasi është më e lirë për trafikantët ta sjellin në këtë port dhe të korruptojnë policinë dhe zyrtarët shqiptarë, sesa ta çojnë në Evropë. I ftuar në emisionin "Të Paekspozuarit", Hoxha tha se krimi e kontrollon portin dhe se mënyra si po futet kokaina nuk është më në formë pluhur, por asparagus, vaj palme dhe sheqer.

Pjesë nga biseda në studio:

Artan Hoxha: Në 7 qershor, DEA dhe policia e Brazilit kapën 350 kg kokainë. U kap ngarkesa në Portugali, pjesa tjetër. Në 12 qershor në Peru, 2.2 ton. Dy persona që antidroga jonë i ka kapur me 2 kile heroinë në 2014. Sigurisht nuk janë bosët këta. Këta rregullojnë marrëveshjen, merren me infrastrukturën, japin garancinë. Parimi është që bosi nuk e prek mallin. Kemi kokainën që bëhet jashtë, ku vetëm paratë hyjnë në Shqipëri. Që të fusësh kokainë në Shqipëri, duhet të kesh kontroll mbi portin e Durrësit.

Ylli Rakipi: Pse kjo drogë kaq e madhe kalon nga Shqipëria në port dhe jo direkt në BE? 

Artan Hoxha: Pse e sjellin në Shqipëri, sepse del kosto më lirë, sepse në portin e Durrësit paguajnë shumë më pak se në Roterdam. 300 mijë euro ngarkesa. Se sa ke brenda nuk ta prek njeri.
Çfarë do të thotë? Që i del më lirë të paguajë në Shqipëri sesa ta çojë atje. E çara që kemi ne në sistem… Policët tanë janë shumë më të lirë. Parapëlqejnë t’i bien gjatë dhe të paguajnë më pak.
Ne jemi kthyer prej vitesh në një bazë operacionale e kokainës. Që ke këtu brenda infrastrukturë, bazat e sigurta magazinat dhe laborator përpunimi. Pse është? Nuk vjen pluhur, por kryesisht si lëndë e parë. Në një rast si lëng asparagus. Kemi kapur në vaj palme. Më thanë një formë të re, sheqeri.

artan hoxha porti i durresit

Sondazh

Poll

MË SHUMË