Bota

Kontrolli i armëve në SHBA, projektligji kalon pengesën e parë në Senat

Rreth 14 republikanë votuan për të avancuar projektligji

22 Qershor 2022, 12:23 Nga d.d

Kontrolli i armëve në SHBA, projektligji kalon pengesën e

Foto ilustruese

SHBA-Senati amerikan ka bërë një hap të parë drejt miratimit të asaj që është quajtur kontrollet e reja më të rëndësishme të armëve. Sipas BBC, senatorët votuan dje për të përshpejtuar miratimin e projektligjit dypartiak, që do të thotë se ai mund të nënshkruhet në ligj javën e ardhshme.

Propozimet janë shumë larg asaj që shumë demokratë dhe aktivistë kanë kërkuar pas një vale të të shtënave masive. Masat përfshijnë kontrolle më të ashpra të sfondit për blerësit më të rinj se 21 vjeç.

"Do të bëhet pjesa më e rëndësishme e legjislacionit kundër dhunës me armë që Kongresi do të ketë miratuar në 30 vjet," tha senatori Chris Murphy, demokrati kryesor në bisedime.

Akti përfshin gjithashtu 15 miliardë dollarë në fonde federale për programet e shëndetit mendor dhe përmirësimet e sigurisë së shkollave.

Është hera e parë në dekada që legjislacioni i propozuar për sigurinë e armëve ka marrë këtë nivel mbështetjeje nga senatorët e partisë republikane dhe demokratike.

Rreth 14 republikanë votuan për të avancuar projektligjin, duke sugjeruar se legjislacioni do të merrte mbështetje të mjaftueshme.

 

 

shba chris murphy

Sondazh

Poll

MË SHUMË