Aktualitet

Kontrolle me dron në Lezhë, zbulohet parcela me kanabis, shpallet në kërkim 1 person

Policia ka shpallur në kërkim 27-vjeçarin, Fatmir Pepa, banues në fshatin Lalm.

21 Qershor 2022, 11:24 Nga A.B
Kontrolle me dron në Lezhë, zbulohet parcela me kanabis, shpallet
Policia ne Lezhe

LEZHË-Një person është shpallur në kërkim nga policia e shtetit pasi dyshohet se ka kultivuar lëndë narkotike në fshatin Lalm i Ri, njësia administrative Kolsh. Pas kontrolleve me dron në zonë, policia zbuloi një sipërfaqe toke në terren, në të cilën janë gjetur të kultivuara bimë të dyshuara si cannabis sativa. Policia ka shpallur në kërkim 27-vjeçarin, Fatmir Pepën, banues në fshatin Lalm.

NJOFTIMI I POLICISË:

Lezhë/Kontrolle masive në të gjithë territorin, me qëllim parandalimin, evidentimin dhe goditjen e veprimtarive kriminale në fushën e kultivimit të bimëve narkotike. Falë përdorimit të dronit evidentohet në terren të pyllëzuar, një ambient në të cilin ishin kultivuar bimë të dyshuara narkotike. Finalizohet nga Komisariati i Policisë Lezhë, operacioni policor i koduar “Space”. Identifikohet dhe shpallet në kërkim autori i dyshuar i kësaj veprimtarie kriminale. Në vijim të punës për parandalimin, evidentimin dhe goditjen e veprimtarisë kriminale në fushën e narkotikëve, shërbimet e Komisariatit të Policisë Lezhë kanë vijuar kontrollet e imtësishme të territorit, nga ajri dhe nga toka. Si rezultat i kontrolleve me dron, në fshatin Lalm i Ri, njësia administrative Kolsh, në një sipërfaqe toke në terren të pyllëzuar, janë gjetur të kultivuara bimë të dyshuara narkotike cannabis sativa. Gjithashtu, në afërsi të këtij ambienti, në një tjetër sipërfaqe toke të pyllëzuar, janë gjetur të kultivuara edhe disa bimë të tjera të dyshuara narkotike cannabis sativa. Në vijim të veprimeve hetimore u bë i mundur identifikimi i autorit të dyshuar, shtetasit F. P., 27 vjeç, banues në fshatin Lalm, i cili u shpall në kërkim dhe punohet për kapjen e tij. Vijon puna puna për dokumentimin e plotë të kësaj veprimtarie kriminale, identifikimin dhe kapjen e personave të tjerë të përfshirë. Materialet procedurale i kaluan Prokurorisë pranë Gjykatës së Rrethit Gjyqësor Lezhë, për veprime të mëtejshme.

lezhe arrestim ne lezhe fatmir pepa

Sondazh

Poll

MË SHUMË