Aktualitet

I vunë shapkat anës rezervuarit që të dukej si vetëvrasje, detaje nga krimi në Maliq, shkak njohja me një vajzë

Sipas rikostruksionit të policisë autorët pasi e kanë vrarë duke e mbytur me litar e kanë hedhur në rezervuar dhe kanë inskenuar që të dukej si vetëvrasje.

18 Qershor 2022, 13:05 Nga d.a
I vunë shapkat anës rezervuarit që të dukej si
Martin Çeço

MALIQ- Detaje të reja janë zbuluar nga vrasja e 26-vjeçarit Martin Çeço në Maliq të Korçës ku sot janë vënë në pranga 3 autorët e dyshuar.

Sipas rikostruksionit të policisë autorët pasi e kanë vrarë duke e mbytur me litar e kanë hedhur në rezervuar dhe kanë inskenuar që të dukej si vetëvrasje.

Të tre autorët për ta bërë ngjarjen të dukej si vetëvrasje kishin lënë shapkat e viktimës anash rezervuarit.

"U dokumentua se tre shtetasit e arrestuar, në bashkëpunim me njëri-tjetrin, më datë 12.06.2022, kanë marrë viktimën M. Ç., në fshatin Kolanec, dhe pasi e kanë vrarë (mbytur), për motive të dobëta, kanë hedhur trupin e tij në rezervuar, për të mbuluar ngjarjen dhe për të inskenuar një vetëvrasje të 26-vjeçarit" informon sot policia e Korçës.

Ndërkohë sipas disa burimeve shkak i këtij krimi mund të jetë një lidhje dashurie që 26-vjeçari kishte krijuar me një vajzë të mitur me të cilën fliste shpesh. Autorët, të cilët nuk dihet lidhjen që kanë me vajzën, i kanë kërkuar Çeços që të ndërpriste lidhjen me të renë por ai nuk ka pranuar.

Madje sipas burimeve thuhet se i ati e ka ditur për këtë marrëdhënie dhe i ka kërkuar djalit që të ndërpriste bisedën me vajzën.

26-vjeçari Martin Çeço, i cili ishte zhdukur që nga 15 qershori është gjetur i pajetë në rezervuarin e Kolanecit. Ishte babai i të riut ai që dha alarmin për zhdukjen e të birit. N. Ç., 67 vjeç, banues në fshatin Kolanec, Maliq tha se i biri është larguar nga shtëpia që nga mbrëmja e 15 qershorit.

 

gjendet i vdekur martin ceco vrasja ne maliq

Sondazh

Poll

MË SHUMË