Aktualitet

TRAGJEDI! Makina përfundon në rezervuarin e Çekrezës, mbyten brenda mjetit dy të rinjtë

Alarmin për fundosjen e makinës e ngriti roja i rezervuarit rreth orës 07:20 të mëngjesit dhe që prej atëherë kishte nisur puna për nxjerrjen e mjetit.

17 Qershor 2022, 10:40 Nga k.m.

TRAGJEDI! Makina përfundon në rezervuarin e Çekrezës,

TIRANË- TRAGJEDI në Tiranë! Një aksident i ndodhur në rezervuarin e Çekrezës i ka kushtuar jetën dy të rinjve, të identifikuar si: Erion Muça, 22 vjeç, e 20-vjeçarja Flora Gjinaj. Të dy janë nxjerrë pa jetë nga rezervuari nga polumbarët e forcave speciale RENEA.

Alarmin për fundosjen e makinës e ngriti roja i rezervuarit rreth orës 07:20 të mëngjesit dhe që prej atëherë kishte nisur puna për nxjerrjen e mjetit. Deri më tani, hetimet kanë bërë me dije se automjeti ka qenë ka ardhur nga një rrugë e pashtruar, e cila ndodhet në buzë të rezervuarit të Çekrezës. E në momentin kur shkoi në cep të rrugës, shoferi dyshohet se humbi kontrollin, u përplas me një pemë, mjeti u rrotullua disa herë dhe në fund përfundoi në rezervuar.

Pasi u nxorrën nga uji, trupat e pajetë të të rinjve, nga uji është nxjerrë dhe mjeti me të cilin udhëtonin, pasi do t’i nënshtrohet një ekspertize për të parë nëse ka pasur ndonjë defekt teknik.

Lidhur me viktimat, është mësuar se Muça ishte banor i një prej fshatrave të zonës përreth rezervuarit të Çekrezëz, ndërsa Gjinaj është nga Lezha. Nuk dihet nga ana e policisë lidhja mes tyre. Nga ana e Policisë janë kërkuar edhe dëshmitë e familjarëve, të cilët do të merren në pyetje për kontaktet e fundit që kanë pasur me dy të rinjtë, për të mësuar kështu edhe orën e kur ka ndodhur aksidenti. Një tjetër disavantazh për zbardhjen e ngjarjes është fakti që në zonë nuk ka kamera sigurie, të cilat mund të kenë filmuar aksidentin, kjo pasi ndriçimi mungon gjatë natës në këtë zonë.

 

mbyten te rinjte ne cekreze erion muça flora gjinaj

Sondazh

Poll

MË SHUMË