Politike

“Ç’bëni mo çuna?”, Spartak Braho zbulon episodin në një nga makinat e policisë: Aty vinte era drogë.…

Braho tregon përballjen me efektivët.

16 Qershor 2022, 22:31 Nga F.M
“Ç’bëni mo çuna?”, Spartak Braho zbulon
Spartak Braho

TIRANË- Ish-deputeti i Partisë Socialiste Spartak Braho ka treguar se është përballur me efektivë policie që konsumonin lëndë narkotike brenda makinave të shtetit. I ftuar në emisionin “Frontline”, Braho tha se në makinë kishte ndjerë aromë kanabisi dhe kur ka pyetur oficerët e policisë për të, policët janë shprehur se kanë përdorur lëndë narkotike.

“Deri tani kemi folur mirë për trajtimin e policisë po nuk kemi folur problemet që ka venë policia. Ka mes tyre të korruptuar. Kam hyrë një ditë në një makinë policie, vinte era drogë. I thash ç’bëni mo çuna. Pimë ndonjëherë tha. Mos u çudit sepse këto punë i nxori testi që u bë në polici dhe u ndërpre se do të hapte një plagë të madhe. Jam i sigurt që ka plot nga këta që kanë bërë këtë shkollë kur bien në kontakt me drogaxhit i kërkojnë një cigare ose i kërcënojë se do t’i raportojnë. Apo i kërkojnë para e nisin problematikat. Krimi shpërthen lulëzon kur i krijon kushtet. Problemi është si i përgjigjen strukturat. Ne sot kemi një polici përgjithësisht të plagosur për shkak të situatës së trashëguar dhe kanë zënën vend, edhe pse kemi një drejtor policie me formim profesional të tillë, ka mbaruar akademinë e policisë nuk ka pasur të tillë më parë. Performanca personale është pozitive, rrezaton në organizimin e tyre, ka një numër personash që bashkëpunon shumë mirë por nuk pasqyrohet në terren. Por nuk është vetëm kjo. Çështja fillon në përgatitjen e policit të thjeshtë. Sot bëhen 6 muaj shkollë dhe 6 muaj kurs për të dalë polic. Kjo është e papranueshme. Gledis Nano nuk e ka në dorë këtë por shteti dhe qeveria që duhet të kuptojnë që me 6 muaj nuk bëhet polic, sepse një polic jo i rregullt mendërisht vret edhe kolegun. Një psikopat i sëmurë bëhet shkak për një ngjarje të rëndë,"- tha Braho. 

spartak braho

Sondazh

Poll

MË SHUMË